საკვები, რომელსაც ყოველდღიურად ვიღებთ, ყოველთვის როდი შეიცავს აუცილებელი მინერალების სპექტრს, ვიტამინებსა და ცილებს. როგორც წესი, იგი სავსეა ქოლესტერინითა და ნახშირბადებით. შედეგად, სისუსტის გამო ცუდად გვრძნობთ თავს.
საზიზღარი ქონი, ადრე თუ გვიან, ყველას გვიჩნდება სხეულის სხვადასხვა ნაწილზე - მუცელზე, გვერდებზე, ხელებზე და ა.შ. და თუკი ხელებისა და გვერდების ტანსაცმლით დაფარვა არის შესაძლებელი, მუცელს არაფერი ეშველება.
მუცელი ის ადგილია, სადაც ზედმეტი კილოგრამები ყველაზე იოლად ჩნდება და ამის იგნორირება არ შეიძლება, რადგან შეიძლება გამოიწვიოს ისეთი დაავადებები, როგორებიცაა დიაბეტი, სიმსუქნე, გულ-სისხლძარღვთა სისტემის დაავადება და სიმსივნეც კი.
უბედურების თავიდან ასაცილებლად, უნდა მივხედოთ ჯანმრთელობას, როგორც კი პირველი ზედმეტი კილოგრამები გაგვიჩნდება.
რა უნდა მოვიმოქმედოთ?
ფიტნესი და სპორტული დარბაზი ყველას არ უხდება, მაგრამ არის ისეთი რამ, რაც ყველასათვის მისაღებია - ეს იოგაა.
თანაბარი, ნელი მოძრაობები, გაჯერებული დასვენებით, ხელს უწყობს კუნთების გამაგრებას. განვიხილოთ რამდენიმე პოზა, რომლებიც დაგვეხმარება ზედმეტი წონის დამარცხებაში.
1. ასანა "კობრა"
ეს პოზა ეხმარება მუცლის მიდამოებში ქონის შემცირებას, ასევე, ამაგრებს მუცლის პრესის კუნთებს.
ასანის შესასრულებლად საჭიროა:
1. დაწექით მუცელზე, ფეხები - სწორად, ხელის თითებით შეეხეთ მხრებს.
2. ნიკაპი და ფეხის თითები იატაკს ეხება.
3. ნელა შეისუნთქეთ და ასწიეთ ტანის ზედა ნაწილი, დაიხარეთ წინ, რამდენადაც შესაძლებელია. ამ პოზაში ნამდვილად კობრას ემსგავსებით, რომელიც მზად არის თავდასხმისთვის. ამ პოზაში გაჩერდით 15-30 წამის განმავლობაში.
4. ამოისუნთქეთ ნელა, შემდეგ კი დაუბრუნდით საწყის პოზიციას.
5. გაიმეორეთ ეს პოზა 5-ჯერ მცირე შესვენებებით. თუ თიაქარი ან ზურგის ტრავმა გაწუხებთ, ან ორსულად ხართ, ეს პოზა თქვენთვის რეკომენდებული არ არის.
2. ასანა "დახრა"
ეს პოზა ამაგრებს პრესის, ხელებისა და ფეხების კუნთებს. კარგი შედეგის მისაღებად, მუცელზე დაწოლილმა ხელები ფეხებს უნდა შემოხვიოთ და უნდა დაიხაროთ წინ და უკან. პოზა მუცლის ცენტრზე შეაჩერეთ.
ასანის შესასრულებლად:
1. დაწექით მუცელზე, ფეხები - სწორად, ხელები - ტანის გასწვრივ.
2. მოხარეთ ფეხები მუხლებში და ხელებით მისწვდით ფეხის თითებს.
3. შეისუნთქეთ და ასწიეთ თავი და მოხარეთ ტანი უკან. ეცადეთ, ფეხები რაც შეიძლება მაღლა ასწიოთ.
4. ეცადეთ, ეს პოზა გაიმეორეთ 15-30 წამში ერთხელ, ისუნთქეთ თანაბრად.
5. გაიმეორეთ მინიმუმ 5-ჯერ, ყოველ ჯერზე დაუბრუნდით საწყის პოზას.
3. ასანა "ხიდი"
ეს იოგაში შესანიშნავი პოზაა, რომელიც აქტიურად ებრძვის ქონს წელის არეში. უხდება იმათ, ვისაც კუჭის პრობლემა აწუხებს.
ასანის შესასრულებლად:
1. დაწექით ზურგზე, ფეხები - შეტყუპებული, ხელები - ტანის გასწვრივ.
2. შეისუნთქეთ და დაიწყეთ ფეხების მაღლა აწევა. ეცადეთ, მუხლები არ მოხაროთ.
3. დაჭიმეთ ფეხები და თითები.
4. დაჭიმეთ ხელები, ასწიეთ, ეცადეთ, შეეხოთ მუხლებს.
5. ღრმად ისუნთქეთ, იყავით ამ პოზაში 15 წამის განმავლობაში.
6. დაუბრუნდით საწყის პოზიციას და ამოისუნთქეთ.
7. გაიმეორეთ რამდენჯერმე 15-30-წუთიანი შესვენებებით.
4. ასანა "დაფა"
ეს ერთ-ერთი რთული პოზაა, ამასთან, ეფექტურიც. ამკვრივებს მხრებს, ხელებსა და ზურგს.
ასანის შესასრულებლად:
1. დაწექით მუცელზე, ხელები - ტანის გასწვრივ, ფეხები - სწორად.
2. აიწიეთ ხელებზე, თითქოს აზიდვებისთვის ემზადებით.
3. დადექით ფეხის თითების წვერებზე და პატარა ნაბიჯებით იმოძრავეთ.
4. თავიდან ფეხის წვერებამდე თქვენი ტანი სწორ ხაზს უნდა დაემსგავსოს, ამიტომ გაიმართეთ და იყურეთ წინ.
5. გააჩერეთ კუნთების დაძაბულობა 20-30 წამის განმავლობაში.
6. გაიმეორეთ 5-ჯერ, 15-წამიანი შესვენებებით.
7. თუ მაღალი წნევა გაწუხებთ, ამ პოზისგან თავი შეიკავეთ.
5. ასანა "ემბრიონი"
ამ პოზას უამრავი უპირატესობა გააჩნია: ხსნის ტკივილს წელის არეში, ამაგრებს ხერხემალს, აბალანსებს ph-ის დონეს კუჭში.
ასანის შესასრულებლად:
1. დაწექით ზურგზე, ფეხები - სწორად, ხელები - გაშლილი.
2. ქუსლები ერთმანეთს უნდა ეხებოდეს, ტერფები - გაშლილად.
3. ამოსუნთქვისას მუხლები მოხარეთ და თანდათან ასწიეთ მკერდამდე.
4. მუხლები სწორად რომ გეჭიროთ, მოხვიეთ ხელები.
5. ისუნთქეთ ღრმად და ერთი წუთის განმავლობაში გაჩერდით ამ პოზაში.
6. ამოსუნთქვისას გაშალეთ მუხლები და გაასწორეთ ხელები ტანის გასწვრივ.
7. გაიმეორეთ 5-7-ჯერ, 15-30-წამიანი შესვენებებით.
სხეულის მეტაბოლიზმის ასამაღლებლად, რეკომენდებულია ამ ვარჯიშების კვირაში სამჯერ, დილით შესრულება.