"ამ დიეტამ 15 კგ-თან ერთად ჭამის მადაც გამიქრო" - დიეტა დიეტოლოგის რჩევით - Marao

ვჭამდი ნახევარი საათი და სხვათა შორის, არც ისე ნელა. ამაზე ყველა მეხუმრებოდა. მეც ვითომ არ მწყინდა, მაგრამ ერთხელაც მივხვდი, რომ დაგროვილი ხუმრობები დიდ ბოღმაში გადამეზარდა და ჩემს ზედმეტ 15 კილოგრამთან ერთად კიდევ უფრო მამძიმებდა.
იხილეთ: სხეულის მასის ინდექსი

გადავწყვიტე, დიეტა დამეწყო, თუმცა ვერაფერს გავხდი. ამიტომაც დიეტოლოგს მივმართე. მან კი დიეტა დამინიშნა, რომელმაც ზედმეტ 15 კილოგრამთან ერთად ჭამის მადაც გამიქრო:

დიეტა 21-დღიანია და შესაძლებელია 10-15 კგ-ის დაკლება. ასეთი რაციონი მკაცრ, მაგრამ ეფექტურ კატეგორიას მიეკუთვნება. ყველა დღე დაყოფილია წყვილებად: რძის 2 დღე, ცილის 2 დღე, ხილ-ბოსტნეულის 2 დღე და ა.შ.

1. რძის დღეები

წონაში დაკლება რძის დღეებით უნდა დაიწყოთ. საუზმეზე - ჭიქა რძე ან კეფირი და 1 ნაჭერი ჭვავის პური. შუადღეს დალიეთ კიდევ 1 ჭიქა რძე. 3 საათზე - ჭიქა კეფირი და ჭვავის პურის ნაჭერი. 6 საათზე კვლავ ჭიქა რძე. ძილის წინ 2 საათით ადრე - ჭიქა ტომატის წვენი.

2. ცილის დღეები

საუზმე:

ფინჯანი უშაქრო ყავა, ჭვავის პურის ნაჭერი, 1 ჩ.კ. კარაქი ან თაფლი.

12 სთ: ჭიქა ხორცის ან ქათმის ბულიონი, 150-200 გრ უცხიმო მოხარშული ხორცი/ქათამი, 2 ს.კ. მწვანე ბარდა და ნაჭერი ჭვავის პური.

3 სთ: ჭიქა რძე ან კეფირი, შესაძლებელია ჩაი თაფლით.

7 სთ: 2 კვერცხი ან თევზის ან ქათმის ნაჭერი, შესაძლებელია უცხიმო ლორი, 50 გრ ყველი, ჭიქა კეფირი ან რძე, ჭვავის პურის ნაჭერი.

3. ხილ-ბოსტნეულის დღეები

საუზმე: 2 ფორთოხალი ან ვაშლი, ნაჭერი ჭვავის პური. შუადღეზე ბოსტნეულის სუპი უკარტოფილოდ, ბოსტნეულის სალათა, ჭვავის პურის ნაჭერი.

3 სთ: ჭიქა კეფირი ან რძე.

7 სთ: მწვანე სალათი, ჭვავის პურის ნაჭერი, თაფლიანი ჩაი.

4. დღეების რიგითობა

დიეტის შემდეგ ეტაპზე უნდა ჩაანაცვლოთ დღეები, მაგალითად, 2 ცილის და 1 ბოსტნეულის დღე, ან 1 ბოსტნეულის და 1 ცილის დღე. ასევე, სასურველია, საკვების მიღების დრო ერთი და იგივე იყოს ყოველდღე.

ბოლო, 21-ე დღე რძისაა. დაკარგული კილოგრამები კვლავ რომ არ დაგიბრუნდეთ, ჩვეული პროდუქტები თანდათანობით უნდა ჩართოთ რაციონში.

ორგანიზმის ბალანსის დასაცავად, რეკომენდებულია პოლივიტამინების მიღება.

ახალი საშუალება, რომელიც იდეალური წონის მიღებაში დაგეხმარება