გაიგეთ ქართველი ბიჭის საიდუმლო, რომელმაც 3 თვეში 24 კგ დიეტის გარეშე დაიკლო - Marao

17 წლის დავით ყუფუნია ჭარბ კილოგრამებს ბავშვობიდან ებრძვის, თუმცა აქამდე კილოგრამები და უნებისყოფობა იმარჯვებდნენ.

ერთ დღესაც კი დავითმა გააანალიზა, რომ მას სხვების მიერ შედგენილი დიეტა არ სჭირდებოდა და საკუთარ რაციონზე  დაიწყო ფიქრი. ერთი შეხედვით უბრალო მეთოდით ის 24 კილოგრამს მოერია და ახლა მზადაა გამოცდილება სხვებსაც გაუზიაროს:

დავით ყუფუნია

ზოგადად თუ დიეტას დავარქმევ რამეს მერე ვარღვევ და შინაგანად ბედნიერებას მანიჭებს ის განცდა, რომ წესებს არ ვიცავ. ასეთი ადამიანი ვარ. ასე, რომ დიეტაზე უარი ვთქვი და უბრალოდ სწორი კვება ვარჩიე. განსაკუთრებული რაციონი არ მაქვს. ძირითადად, დღის განმავლობაში ვჭამ ერთი ინგრედიენტისგან შემდგარ საკვებს ყოველგარი დანამატების გარეშე.

უარი ვთქვი ენერგეტიკულებზე და ყველანარი გაზიანზე. ასევე სრულად ამოვიღე შაქარი და პური. საქმე მყოლოდ კვებაში არაა, ვვარჯიშობდი კიდეც.

რაიმე განსაკუთრებული, შენით მიგნებული საიდუმლო თუ გაქვს, რაც წონის დაკლებაში დაგეხმარა?

- ჭარბ კილოგრამებს ბავშვობიდან ვებრძვი და სხვადასხვა ხერხი მაქვს ნაცადი. ყოველ ჯერზე თუ ერთხელ დავარღვევდი, თავს ვანებებდი ხოლმე. მერე გადავწყვიტე საკუთარი თავისთვის თვეში ერთხელ მომეწყო დარღვევის დღე. ამ დღეს ყველაფერს ვჭამ რაც მომინდება. სხვათა შორის, ამართლებს.

რა გაძლევდა მოტივაციას?

-მოტივაციას იმ ადამიანებისგან მიღებული ბრაზი მაძლევდა, რომლებიც მეუბნებოდნენ ცხოვრების ბოლომდე მსუქანი დარჩებიო. ბავშვობაში წონის საშინელი კომპლექსი მქონდა, იმ დროის ფოტოები, სადაც 24 კილოგრამით მეტს ვიწონი არც მაქვს.

თუ გრძნობ შინაგან ცვლილებას დიეტის შემდეგ?

-აი, სულ მეგონა, რომ ამ კითხვაზე პასუხს იგონებდნენ, მაგრამ ახლა საკუთარ თავზე ვგრძნობ ცვლილებას და მერწმუნეთ, ბევრად უფრო თავდაჯერებული ვარ, მიხარია სარკეში ჩახედვა და თავს ვგრძნობ გაცილებით მსუბუქად.

როგორ შეიცვალა გარშემო მყოფთა დამოკიდებულება შენ მიმართ?

-მათ ახლა ისე სჯერათ ჩემი როგორც არასდროს, და ძალიან ამაყობენ ჩემი მონდომებით.

რას ეტყვი მათ ვისაც სჭირდება დიეტა, მაგრამ თავს იმშვიდებს და ამბობს, რომ კილოგრამებს არაფრის შეცვლა არ შეუძლია?

თავს ნუ მოიტყუებენ, რეალობის აღქმა ძალიან კარგი რამეა.