7 პროდუქტი, რომელიც უნდა შეჭამო ღამე, იმისათვის, რომ გახდე - Marao

გავრცელებული მოსაზრებაა - იმისათვის, რომ დაიკლოთ, არ უნდა მიირთვათ 18:00სთ-ის შემდეგ. სინამდვილეში არსებობს პროდუქტების ჩამონათვალი, რომელიც უნდა მიირთვათ ღამეს, თუკი წონაში დაკლება გსურთ.
მშიერ კუჭზე ძილს დიეტოლოგები დიდი ხანია აღარ უწევენ რეკომენდაციას, ვინაიდან მეორე დღეს, დილიდან მიღებული საკვები სწორედ წონის მატებას შეუწყობს ხელს.

1. რძის პროდუქტები

კეფირი, ხაჭო, იოგურტი - ეს ყოველივე მსუბუქი ცილის შემცველი პროდუქტია, რომელსაც ორგანიზმი მარტივად ითვისებს, არ გიტოვებთ სიმძიმის შეგრძნებას და არ გარდაიქმნება ცხიმად. აუცილებელი პირობა მათი მიღებისას არის ის, რომ არ უნდა იყოს ტკბილი და არ აღემატებოდეს 200 გრამს.

2. რძე

თბილი რძე ძილის წინ - ეს ხომ კლასიკაა. ის არა მარტო ცილას შეიცავს, არამედ ტრიფტოფანსაც (აუცილებელი ამინომჟავა), ამინომჟავა კი დაძინებას უწყობს ხელს, ხოლო რაც უკეთ გამოძინებული იქნებით, მით უფრო ნაკლებად მოგინდებათ ბევრი ტკბილის და ცხიმიანის მიღება.

3. კვერცხი

კვერცხიც ცილის ერთ-ერთი წყაროა. იდეალური ვარიანტია ორი კარგად მოხარშული კვერცხის მირთმევა, ან შპინატითა და ტომატით მომზადებული ომლეტი.

4. ფრინველის ხორცი

ქათმის ან ინდაურის ხორცი, კანის გარეშე ნივთიერებათა ცვლის შენარჩუნების კარგი საშუალებაა. შეიცავს А, Е, В ვიტამინებს და საერთოდ არ აისახება თქვენს წონაზე. იდეალური ულუფა 100-150 გრამამდე მერყეობს. სასურველია მოამზადოთ ორთქლზე და იმავე რაოდენობით დაუმატოთ ბოსტნეული.

5. თეთრი თევზი

ცხიმის შემცველობა თეთრი თევზის სახეობაში ძალიან დაბალია. შესაბამისად, შეგიძლიათ მიირთვათ სურვილისამებრ 200 გრამის ოდენობით.

6. ორთქლზე მომზადებული ბოსტნეული

ორთქლზე მომზადება დაგეხმარებათ არა მარტო ბოსტნეულის, არამედ სხვა საკვებში შემცველი ვიტამინების შენარჩუნებაში. შედეგად, თქვენი გვიანი ვახშამი იქნება გემრიელი და დაბალკალორიულიც, ამასთანავე, გამოდევნის ორგანიზმიდან მავნე ტოქსინებს. მოამზადეთ ცხიმის გარეშე და ნაკლები მარილით.

7. კენკრა

ერთ ჭიქა კენკროვანებში სულ რაღაც 70 კკალორიაა, ხოლო ვიტამინები და ანტიოქსიდანტები კი - ძალიან დიდი რაოდენობით.