საუზმე - საუკეთესო მეგობარია დიეტაზე მყოფთათვის. ეცადეთ, ისაუზმოთ დილის 7-დან 10 სთ-ის შუალედში.
გთავაზობთ 5 სახის საუზმეს, რომელიც გახდომაში დაგეხმარებათ:
1. რძის პროდუქტები
თუ სუპერმკაცრ დიეტაზე ხართ, დროთა განმავლობაში საკმაოდ დიდი რისკია, დაგერღვეთ მიკროფლორა. ამან შეიძლება გამოიწვიოს სისხლძარღვთა და საჭმლის მომნელებელი სისტემის პრობლემები. დიეტის დროს აუცილებლად შეიტანეთ თქვენს რაციონში რძემჟავა პროდუქტები, რომლებიც შეიცავს ლაქტობაცილებს. მაგალითად, იოგურტი. გარდა ამისა, ეს საკვები მდიდარია კალციუმით, რომელიც მონაწილეობს ძვლების მშენებლობაში. ამიტომ, თუ თქვენ ასევე აქტიურად ხართ დაკავებული სპორტით, მაშინ ნამდვილად უნდა დააფასოთ იგი. თუ იოგურტი არ გიყვართ, სხვა ფერმენტირებული რძის პროდუქტები მიიღეთ (მაგალითად, უცხიმო ხაჭო ან კეფირი).
მნიშვნელოვანი შენიშვნა: მოერიდეთ იოგურტებს დანამატებით, უმჯობესია შეჩერდეთ ნატურალურ, სუფთა იოგურტებზე დანამატების გარეშე და თავად დაამატოთ ის, რაც გსურთ, უშუალოდ ჭამის წინ - თხილი, ხილი, კენკრა და ა.შ.
2. ხილი/კენკრა
ახალი ან გაყინული ხილი და ბოსტნეული დადებით გავლენას ახდენს წონის დაკლებასა და წონის შენარჩუნებაზე, რადგან ის კარგად დაგანაყრებთ.
3. კვერცხი
კვერცხები შეიცავს ჯანსაღ პროტეინს, რომელიც, სხვა სასარგებლო ნივთიერებებთან ერთად, საშუალებას გაძლევთ, უფრო დიდხანს შეინარჩუნოთ ნაყროვანების გრძნობა. ამერიკელი მეცნიერების მიერ ჩატარებულმა კვლევამ აჩვენა, რომ იმ ადამიანებს, რომლებიც კვერცხს საუზმეზე ამჯობინებენ, შეძლეს წონის დაკლება გაცილებით ეფექტურად, ვიდრე მათ, ვინც საუზმეზე კვერცხს არ ჭამდა. კვერცხი შეიცავს რკინას, ფოსფორს, სელენს, ვიტამინებს A, B12, B2 და B5. მაგრამ უმჯობესია უარი თქვათ შემწვარ კვერცხზე: უმჯობესია მაგრად მოხარშული კვერცხი მიირთვათ.
4. სმუზი
ახალი ხილის კოქტეილი კარგია მათთვის, ვინც დილით არ განიცდის ძლიერ შიმშილს. თქვენ შეგიძლიათ დაამატოთ თითქმის ყველა ხილი, შეზღუდვის გარეშე, მაგრამ უნდა გაითვალისწინოთ, რომ ყველა მათგანი ვერ "მეგობრობს" ერთმანეთთან. ამიტომ უმჯობესია იპოვოთ რამდენიმე რეცეპტი, რომელიც მოგწონთ. თუ იყენებთ რძეს, გირჩევთ აიღოთ უცხიმო რძე.
5. მიუსლი
ე.წ. კორნფლეიკი და მიუსლი ძალიან კარგია მათთვის, ვინც დიეტაზეა. ამ შემთხვევაშიც გამოიყენეთ უცხიმო რძე.