„ეკვატორის წესი“: საკვები, რომელიც არ უნდა მიირთვათ 15:00 საათის შემდეგ

თუ არ გაქვთ საკმარისი დრო ინტენსიური ვარჯიშისთვის, მაგრამ გსურთ, ყოველთვის იყოთ ფორმაში, გირჩევთ, უფრო ახლოს გაეცნოთ "ეკვატორის წესს".
ჩვენ ვსაუბრობთ „ეკვატორის წესის“ ძირითად პრინციპებსა და პროდუქტებზე, რომლებიც 15:00 საათის შემდეგ არ უნდა მიირთვათ.

"ეკვატორის წესი" ემყარება ადამიანის ბიორიტმს. დიეტოლოგებმა დაადგინეს, რომ 15:00 საათის შემდეგ ორგანიზმში ნივთიერებათა ცვლა მკვეთრად ნელდება. შესაბამისად, ნახშირწყლები ცუდად შეიწოვება, არ მოიხმარება ენერგიასთან ერთად, მაგრამ დეპონირდება ცხიმის სახით. ეს არ ნიშნავს იმას, რომ 15:00 საათის შემდეგ საერთოდ არ შეგიძლიათ ჭამა. პირიქით, მისასალმებელია ცილოვანი და ჯანსაღი საკვები, რომელიც მდიდარია ვიტამინებით (როგორიცაა ინდაურის ხორცი, ოსპი და ტოფუ).
დიეტოლოგები განსაზღვრავენ უამრავ საკვებს, რომლებიც საუკეთესოა ლანჩამდე. "ეკვატორის წესი" ეხება მარტივ და რთულ ნახშირწყლებს.
დიეტოლოგები გვირჩევენ, 15:00 საათის შემდეგ სრულად გამოვრიცხოთ შემდეგი საკვები: ცომეული, ნამცხვრები, დესერტები, არამწარე შოკოლადი.

მაკარონი 15:00 საათის შემდეგ ცუდად შეიწოვება. ბრინჯი და მარცვლეული ასევე სასურველია დილით მიირთვათ.
15:00 საათის შემდეგ „ეკვატორის წესით“ აკრძალული საკვების სიაში ჩირიც შედის. ისინი შეიცავს დიდი რაოდენობით ბუნებრივ შაქარს.

გარდა ნახშირწყლებისა, დიეტოლოგები გვირჩევენ, 12:00-დან 15:00 საათამდე მივირთვათ წითელი ხორცი და ბოსტნეული, ასევე - პროდუქტები, რომლებიც შეიცავს სახამებელს. სახამებელი ყველაზე ცუდად შეიწოვება საღამოს და იწვევს ინსულინის გადაჭარბებას, რამაც შეიძლება ზიანი მიაყენოს ორგანიზმს.