სილამაზე

როგორ დავიბრუნოთ ფორმა მშობიარობის შემდეგ? წონაში კლების საიდუმლო 6 შვილის დედისგან

როგორ დავიბრუნოთ ფორმა მშობიარობის შემდეგ? წონაში კლების საიდუმლო 6 შვილის დედისგან
ხშირად ქალები მშობიარობის შემდეგ წონაში იმატებენ, კარგავენ უწინდელ ფორმას და საერთოდაც, აღარ უვლიან თავს.
სავარაუდოდ, მიზეზი იმაშიცაა, რომ ბევრი თვლის, მაინც ვერ დაიბრუნებს ადრინდელ ფორმებს და ფარ-ხმალს ყრის.

არადა, ასე არ არის. აი, რას გვირჩევს ქალი, რომელიც, არც მეტი, არც ნაკლები, 6 შვილის დედაა და შესაშურ ფორმაშია:

დაიმახსოვრეთ, რომ მშობიარობის შემდეგ ექსპერიმენტების ჩატარება და სხვადასხვა დიეტის დაცვა არავითარ შემთხვევაში არ შეიძლება. საუკეთესო ამ დროს ფიზიკური დატვირთვაა. ის მეტაბოლიზმსაც გაგიუმჯობესებთ და დაგიბრუნებთ საკუთარი თავის რწმენას.

ხოლო
საუკეთესო შედეგს მიაღწევთ მხოლოდ დაბალანსებული კვებისა და სწორად შესრულებული ვარჯიშების მეშვეობით.

თუკი მშობიარობის შემდეგ თქვენი მუცელი მოშვებული და ჩამოკიდებული გახდა, შემდეგი ვარჯიშები დაგეხმარებათ:

დაწექით იატაკზე, მოხარეთ ფეხები მუხლებში, ტერფები დააწყვეთ იატაკზე. შემდეგ დაიწყეთ წელის აზიდვა. შეასრულეთ ვარჯიში ნელა, ჰაერში, ბოლო წერტილზე შეყოვნებით. შეგიძლიათ ეს ვარჯიში შეასრულოთ "ვაკუუმთან" ერთად. დადექით ოთხზე, გამოუშვით ჰაერი და შეზნიქეთ მუცელი. დაჰყავით ამ მდგომარეობაში ნახევარი წუთი.

შემდეგი ვარჯიშები კი თავისუფლად შეგიცვლით სატრენაჟორო დარბაზში სიარულს. ამ სამდღიანი კომპლექსის შესრულების შემდეგ უნდა შეისვენოთ 24 საათი. შემდეგ შეგიძლიათ გაიმეოროთ.

დღე 1


დაიწყეთ კუნთების გახურებით. ამისათვის გააკეთეთ საცეკვაო პაუზა. ამის შემდეგ შეგიძლიათ შეუდგეთ ვარჯიშების ძირითად ნაწილს.
დადექი სწორად და აიწიეთ ერთი ფეხის ცერზე, შემდეგ მეორე ფეხის. გაიმეორე ეს ვარჯიში 25-ჯერ თითო ფეხზე. შეეცადეთ, ვარჯიში ჩქარ ტემპში გააკეთოთ.

ფეხები მხრების სიგანეზე, წელში გაიმართეთ. დაიხარეთ მოქნილად და ხელების თითების წვერებით შეეხეთ იატაკს ისე, რომ ფეხის ტერფები არ მოაცილოთ იატაკს და არ მოხაროთ მუხლები. გააკეთეთ 15-15 ასეთი დახრა 3 ეტაპად, პატარა შესვენებებით. ამ ვარჯიშის ალტერნატივად გამოდგება ერთ ფეხზე დაყრდნობით ჩაჯდომა.

ბუქნები. ნელი ნაბიჯით გადმოდგით ერთი ფეხი წინ ისე, რომ მუხლის მოხრის კუთხე 90 გრადუსს უდრიდეს. ამასთან, უკან დარჩენილი ფეხი მოხარეთ და მისი მუხლი იატაკისკენ დაუშვით, ოღონდ არ შეახოთ მას, რათა ვარჯიშმა ეფექტი არ დაკარგოს. შეასრულეთ 3 ეტაპად 15-15 ასეთი ბუქნი თითოეული ფეხისთვის.

დაწექით ზურგზე. მოხარეთ ფეხები მუხლებში. ასწიეთ ერთი ფეხი მაღლა და გააჩერეთ ამ მდგომარეობაში 2-3 წამი. შეასრულეთ 2 ეტაპად 15-15 ასეთი ვარჯიში თითოეული ფეხისთვის.

დაწექით იატაკზე, ფეხები მოხარეთ მუხლებში. ტერფები მყარად უნდა იდგეს იატაკზე, ხოლო ხელები მკერდზე გადაიჭდეთ. აიწიეთ თავითა და მხრებით იატაკიდან რამდენიმე წამით და შემდეგ დაბრუნდით საწყის მდგომარეობაში. შეასრულეთ 3 ეტაპად 15 ასეთი აზიდვა.

დაასრულეთ ვარჯიშის პირველი დღე ცეკვით.

დღე 2

მეორე დღეს დატვირთვა იმატებს – აუცილებელია გამოიყენოთ სიმძიმეები. მაგალითად, წყლით სავსე ბოთლი, თუ რა თქმა უნდა, არ გაქვთ შინ ჰანტელები. ეს დღეც ცეკვით დაიწყეთ.

პირველი ვარჯიში. მყარად დადექით იატაკზე, ხელები მხრების სიგანეზე, ხერხემალი სწორად უნდა იყოს. ნელა დაიხარეთ დაბლა, იატაკისკენ, ისე, რომ შეეცადოთ, მკერდით ფეხებს შეეხოთ და რაც შეიძლება სწრაფად დაბრუნდით საწყის მდგომარეობაში. დაიხარეთ ჩასუნთქვისას, გასწორდით ამოსუნთქვისას. ვარჯიში შეასრულეთ 3-4-ჯერ.

დაწექით იატაკზე, დაიკავეთ ხელში სიმძიმეები და გაშალეთ ხელები განზე, ისე, რომ ხელები მხრების პარალელურად აღმოჩნდეს. შემდეგ მოხარეთ ხელები იდაყვებში და ნელი მოძრაობით მიიტანეთ მკერდთან. შეასრულეთ 10-15 ვარჯიში 3-4 ეტაპად.

დადექით სწორად, დაიკავეთ ხელებში ჰანტელები, მოხარეთ და გაშალეთ ნელი მოძრაობით ხელები. შეასრულეთ 10-15 ვარჯიში 3-4 ეტაპად.

დაეყრდენით ხელებით სკამის საზურგეს, რომელიც თქვენ უკან იდგება. მუხლები მოხარეთ 45-გრადუსიანი კუთხით. ამ პოზაში ჩაჯექით, შემდეგ დაბრუნდით საწყის მდგომარეობაში. შეასრულეთ 10-12-ჯერ 3-4 ეტაპად.

დაწექით იატაკზე, მოხარეთ ფეხები მუხლებში. ფეხის ტერფები შეახეთ იატაკს, ხოლო ხელები მუცელზე დაიწყვეთ. აიწიეთ რამდენიმე წამით თავით და მხრებით იტაკიდან, შემდეგ დაბრუნდით საწყის მდგომარეობაში. შეასრულეთ ვარჯიში 15-ჯერ 3 ეტაპად.

დაასრულეთ მეორე სავარჯიშო დღე ცეკვებით.

დღე 3

კვლავ დაუთმეთ 10 წუთი ცეკვებს და შემდეგ შეუდექით ვარჯიშს.

დაწექით მუცელზე. ზურგი სწორი უნდა იყოს. აიწიეთ იატაკიდან მკერდით, მარჯვენა ხელითა და მარცხენა ფეხით და დაჰყავით ამ მდგომარეობაში 5-7 წამი. შემდეგ შეცვალეთ წყვილი – მარცხენა ხელი და მარჯვენა ფეხი და კვლავ აიწიეთ. ხელები და ფეხები უნდა იყოს სწორი და გაჭიმული. შეასრულეთ 10-15 ვარჯიში 3-4 ეტაპად.

ეს ვარჯიში სრულდება სკამზე. გაასწორეთ ფეხები და დაიხარეთ წინ ისე, რომ მკერდით შეეხოთ ბარძაყებს. ხელებში დაიკავეთ ჰანტელები ან სხვა სიმძიმეები. ამ მდგომარეობაში გასწიეთ ხელები მაქსიმალურად უკან და დაჰყავით ამ პოზაში 2 წამი, შემდეგ დააბრუნეთ ხელები საწყის მდგომარეობაში. შეასრულეთ 12-15 ვარჯიში 3-4 ეტაპად.

დაასრულეთ მესამე სავარჯიშო დღეც ცეკვებით.

სულ ეს იყო. ახლა თქვენი ამოცანაა, რეგულარულად შეასრულოთ ეს ვარჯიშები და ვერც კი შეამჩნევთ, ისე სწრაფად დაიბრუნებთ უწინდელ ფორმას – ზედმეტი სანტიმეტრები უკვალოდ გაქრება.

FaceBook ბეჭდვა
კომენტარები / 0 /
კომენტარი ჯერ არ გაკეთებულა
loadign_gif

გამოკითხვა
რომელ კატეგორიას ნახულობთ ყველაზე ხშირად?
არქივის კალენდარი
ორ სა ოთ ხუ პა შა კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
e87a93