სამი წლის წინ ჯანმრთელობის საერთაშორისო ორგანიზაციამ დაადგინა, რომ ადამიანმა დღეში 10 პროცენტზე მეტი შაქარი არ უნდა მიიღოს.
(დაახლოებით 50 გრამი, ანუ 12 ჩაის კოვზი). უმჯობესია, რაოდენობა 5 პროცენტამდე შეამციროთ.
თუ ცდილობთ, რაციონი აკონტროლოთ და ზედმეტი შაქარი არ მიირთვათ, უნდა იცოდეთ, რომელი პროდუქტები შეიცავს მას.
მზა სოუსები
1 სადილის კოვზი კეტჩუპი 4 გრამ შაქარს შეიცავს, ინგლისური ყავისფერი სოუსი - 3,5 გრამს, ჩილის სოუსი - 8 გრამს. უმჯობესია, სოუსები შინ მოამზადოთ.
მზა სუპი
100 გრამი პროდუქტი 0,5-დან 7 გრამამდე შაქარს შეიცავს.
პური
საშუალოდ, 100 გრამი პური 4 გრამ შაქარს შეიცავს.
სუში
ერთი შეხედვით, თევზი, ბრინჯი და ზღვის წყალმცენარეები შაქარს არ უნდა შეიცავდეს, მაგრამ საშუალოდ, სუშის ერთი ფიალა ბრინჯი ერთ სადილის კოვზ შაქარს შეიცავს.
უცხიმო რძის პროდუქტები
უცხიმო რძის პროდუქტებს ატკბობენ, რომ გემო გამოუკეთდეს. 100 გრამი "უშაქრო" იოგურტიც კი 10 გრამამდე შაქარს შეიცავს.
დაკონსერვებული ბოსტნეული
2017 წელს მყიდველთა უფლებების დამცველმა ორგანიზაციამ აღმოაჩინა, რომ დაკონსერვებული პროდუქტის 46 პროცენტი შაქარს შეიცავს. დაახლოებით, 100 გრამზე 10 გრამს.
კიტრისა და პომიდვრის მარინადი
რეცეპტის მიხედვით, მის მოსამზადებლად 1 ლიტრ წყალზე დაახლოებით 2 სადილის კოვზი შაქარია საჭირო. თუმცა, თუ მოინდომებთ და შინ მოამზადებთ, უშაქრო რეცეპტებსაც აღმოაჩენთ.