ეს 10 ლაიფჰაკი დაგეხმარება დღეში 2 ლიტრი წყლის დალევაში. სითხის სწორედ ეს რაოდენობა ინარჩუნებს ორგანიზმში წყლის ბალანსს და გეხმარება უფრო ჯანმრთელად და ლამაზად გამოიყურებოდე.
- საყინულეში გაყინე საყვარელი ხილის (ფორთოხალი, გრეიპფრუტი, კივი ან ლიმონი) ნაჭრები და წყლიან ჭიქაში ჩაიგდე. წყალს სასიამოვნო არომატი მიეცემა.
- როდესაც დიდი ხნით დაჯდები კომპიუტერთან, ტელევიზორთან, ან წიგნის წასაკითხად, სნეკის და ჩიფსის ნაცვლად გვერდით ყინულის კუბებიანი ჭიქა მოიდგი. ნელ-ნელა წუწნე ყინულის ნატეხები.
- გაიხადე ჩვევად წყლის დალევა ყოველთვის, როდესაც ტუალეტიდან გამოხვალ.
- როცა ნერვიულობ, დგახარ რიგში, ფიქრობ, მგზავრობ, - სვი წყალი. თავს გაცილებით მშვიდად იგრძნობ.
- ნუ დაცლი ჭიქა წყალს სულმოუთქმელად. ეს ფსიქოლოგიურადაც ძნელია და არც თირკმელებისთვისაა კარგი. სვი ნელ-ნელა, ყლუპებით.
- იდეალურია, დალიო წყალი ჭამამდე ნახევარი საათით ადრე და ჭამიდან ერთი საათის შემდეგ.
- ეპილაციის კეთების, ან მანიკიურის წასმის პროცესში, ნელ-ნელა სვი წყალი. ეს ერთგვარ ბიუთი-რიტუალად იქცევა.
- იყიდე ლამაზი ჭიქა და გრაფინი და დადგი ისე, რომ ხშრად ხედავდე.
- გადმოწერე მობილური აპლიკაცია, რომელიც შეგახსენებს, როდის უნდა დალიო წყალი.
- მოამზადე ლიმონიანი წყალი. ის ძალიან გემრიელია და ცე-ვიტამინსაც მიიღებ.