ექიმი, ანესთეზიოლოგ-რეანიმატოლოგი არჩილ მარშანია სოც. ქსელში წერს, თუ როგორ უნდა მოვიქცეთ, ცრემლსადენი გაზით დაზიანებისას:
არის რამდენიმე სახეობის ამ ტიპის გაზი, არ ვიცი რომელს იყენებენ ჩვენთან, თუმცა რაიმე სპეციფიკური ანტიდოტი მათ წინააღმდეგ არ არსებობს.
შესაბამისად პირველი რიგის და ყველაზე ეფექტური დაცვის საშუალება არის შემდეგი:
გაერიდეთ გაზის დაფარვის არეალს და გადით სუფთა ჰაერზე‼
დამატებით რა შეგვიძლია გავაკეთოთ:
- ეცადეთ მაქსიმალურად მოიშოროთ დაბინძურებული ტანსაცმელი.
- მიუხედავად იმისა, რომ წყალმა ზოგ შემთხვევებში შიძლება გააღიზიანოს დაზიანებული არე, დიდი* რაოდენობით წყლით და საპნით ჩამობანა არის საუკეთესო და მარტივი გამოსავალი შემთხვევის ადგილზე.
- თუ ატარებთ ლინზებს და გაზთან ან სპრეისთან გქონდათ პირდაპირი შეხება, ჯობს მოიხსნათ ლინზები.
- მარტივი ქირურგიული ნიღბები ვერ დაგიცავთ გაზისგან, ვერც სტანდარტული სათვალე.