ზედმეტი კილოგრამების მოსაშორებლად საკმაოდ ბევრი დიეტის დაცვა გვიწევს ხშირად; მით უმეტეს, თუ არ მივეკუთვნებით იმ ადამიანების კატეგორიას, რომლებიც დღის განმავლობაში ძალიან დიდი რაოდენობით კალორიულ საკვებს მიირთმევენ და შედეგად არ იმატებენ წონაში. სინამდვილეში დიეტოლოგები არ გვირჩევენ კვების რაციონიდან ყველაფრის ამოღებას. მათი რჩევა ზომიერებასა და ყველაფრის მირთმევაში მდგომარეობს. შესაბამისად, ჩვენი ჯანმრთელობისა და მომხიბვლელობისთვის, გარდა იმისა, რომ უნდა ვაკონტროლოთ, რას და რამდენს მივირთმევთ, ყურადღება უნდა მივაქციოთ, რა დროს რას ვჭამთ.
„მარაო“ გიზიარებთ სწორად კვების რაციონს დღის განმავლობაში, შეზღუდვების გარეშე ისე, რომ წონაში არ მოიმატოთ:
- 1-2 საათი – წყალი, ჩაი, ყავა, კაკაო, ბულიონი, რძე, მოხარშული კვერცხი, ბრინჯი, თევზი.
- 2-3 საათი – კარგად მოხარშული კვერცხი, ომლეტი, ზღვის თევზი, მოხარშული კარტოფილი, პური.
- 3-4 საათი – ქათმისა და ძროხის მოხარშული ხორცი,
- ჭვავის პური, ვაშლი, სტაფილო, ბოლოკი, ისპანახი, კიტრი, შემწვარი კარტოფილი, ლორი.
- 4-5 საათი – პარკოსნები (ლობიო, ბარდა), შემწვარი ხორცეული.
- 5-6 საათი – სოკო, ბოსტნეული.
შეეცადეთ, არ მიირთვათ დაძინებამდე 3-4 საათით ადრე.
თუ დაიცავთ პრინციპს, არ მიირთვათ საკვები ჭამიდან ჭამამდე შუალედებში, შეძლებთ არა მხოლოდ დაიკლოთ წონაში, არამედ შეინარჩუნოთ ჯანმრთელი კუჭ-ნაწლავი. დროთა განმავლობაში კუჭი დაპატარავდება და ჩვევად გექცევათ, არ მიირთვათ ზედმეტი და რაც მთავარია, არანაირი ექსტრემალური დიეტა აღარ დაგჭირდებათ.