ჯანდაცვის მსოფლიო ორგანიზაციის, დაავადებათა კონტროლის ეროვნული ცენტრისა და სპეციალისტების მთავარი რეკომენდაცია ვირუსებთან საბრძოლველად ხშირად და საფუძლიანად ხელების დაბანაა.
თუმცა, იცით, როგორ დაიბანოთ ხელები სწორად? - დაავადებათა კონტროლისა და საზოგადოებრივი ჯანმრთელობის ეროვნული ცენტრი აქვეყნებს რეკომენდაციებს, რომლებიც ვირუსების პრევენციისთვის დაგეხმარებათ.
რეკომენდაციების თანახმად, ხელების დაბანა 30-40 წამის განმავლობაში უნდა განხორციელდეს, შემდეგი თანმიმდევრობით:
- დაისველეთ ხელები წყლით
- დაისხით ხელისგულზე საპონი და გაინაწილეთ თანაბრად ხელისგულებზე
- მარჯვენა ხელისგულით დაიმუშავეთ მარცხენა ხელის ზურგი, თითების გადაჭდობით და პირიქით
- ხელისგულები შეატყუპეთ და თითები გადააჭდეთ
- თითების ზურგები დაიმუშავეთ მეორე ხელის მუჭში მოქცევით
- მარცხენა ცერა თითი დაიმუშავეთ წრიულად მარჯვენა ხელის მუჭში მოქცევით და პირიქით
- მარჯვენა ხელის თითების წინ და უკან წრიული მოძრაობით მარცხენა ხელისგულზე და პირიქით
- დაიბანეთ ხელები წყლით
- გაიმშრალეთ ხელები ერთჯერადი ხელსახოცით
- დაკეტეთ ონკანი ამავე ხელსახოცით