როგორ უნდა გაიგოთ, რომ ძალიან ბევრ შაქარს იღებთ - შეხედეთ თქვენს ტუჩებს! - Marao

საიდუმლო არ არის, რომ დიეტაში შაქრის ჭარბი რაოდენობა სახის კანის პრობლემებს იწვევს. მაგრამ ცოტამ თუ იცის, რომ ის აჩქარებს დაბერებას. შაქარს „ტკბილ სიკვდილსაც“ უწოდებენ. ყველამ იცის, რომ ორგანიზმში მისი სიჭარბე ცუდად მოქმედებს ჩვენს ორგანიზმზე: იწვევს წონის მატებას, აზიანებს კბილებს, გულსა და სისხლძარღვებს. შაქარმა ასევე შესაძლოა ცუდად იმოქმედოს გარეგნობაზეც.

როგორ აბერებს შაქარი

შაქრის დიდი კონცენტრაცია ორგანიზმში იწყებს გლიკაციის პროცესს. უფრო მეტიც, თუ ადრე ეს ყველაზე ხშირად შაქრიანი დიაბეტით ხდებოდა, ახლა ჯანმრთელ ადამიანებსაც ხშირად ექმნებათ მსგავსი პრობლემა. ნაერთები, რომლებიც წარმოიქმნება გლიკაციის დროს, გროვდება ორგანიზმში და თანდათან იწვევს კოლაგენისა და ელასტინის დაზიანებას. მათ გარეშე კანი კარგავს ელასტიურობას და სიგლუვეს, იფარება ნაოჭებით.

ყურადღება მიაქციეთ რამდენიმე ნათელ გარეგნულ ნიშანს, რომელიც აჩვენებს, რომ ძალიან ბევრ შაქარს მიირთმევთ. თუ საკუთარ თავში აღმოაჩენთ ამ გამოვლინებებს, მაშინ ტკბილი საკვების მიღება უკვე ზიანს აყენებს თქვენს კანს:

• ნაოჭების წარმოქმნა, განსაკუთრებით ზედა ტუჩის ზემოთ;
• კანის ელასტიურობის დაკარგვა;
• სიმშრალე და აქერცვლა;
• ასაკობრივი ლაქების გაჩენა.

როგორ შევაჩეროთ გლიკაცია?

რაციონიდან შაქრის სრულად გამორიცხვა შეუძლებელია. უფრო მეტიც, ამის გაკეთება არც ღირს. მასზე კატეგორიულმა უარყოფამ შეიძლება გამოიწვიოს დეპრესია, უძილობა, თმის ცვენა, წონის მომატება, მუდმივი შიმშილი და ჰიპოგლიკემია. უმჯობესია უბრალოდ იმუშაოთ თქვენი კვების ჩვევებზე. მაგალითად, შეეცადეთ თვალყური ადევნოთ, თუ რამდენ საკვებს მიირთმევთ მარტივი შაქრით დღეში. ეცადეთ შეზღუდოთ ტკბილი ლიმონათების, ტკბილეულისა და ნამცხვრების მიღება, უარი თქვით ჩაისა და ყავაში შაქრის დამატებაზე.