გაინტერესებთ, როგორ გამოიყურებოდეთ მოხდენილად, ყოველგვარი დიეტისა და ვარჯიშის გარეშე? საქმე ტანსაცმლის სწორად არჩევაშია... და აი, კონკრეტულად რაში მგომარეობს ეს საიდუმლო.
შავი ვიწრო შარვალი
შავი - იდეალური ფერია, კარგად ეხამება სხვა ფერებს და მოხდენილობას სძენს. მაღალწელიანი შავი ვიწრო შარვალი და მაღალქუსლიანი ფეხსაცმელი - ფეხებს საოცრად მიმზიდველს და გრძელს გამოაჩენს.
მოციგურავის კაბა
საშუალო სიმაღლის, ვიწროწელიანმა გოგონებმა გარდერობი ასეთი კაბით უნდა გაამდიდრონ. ის საუკეთესოდ გამოკვეთს სხეულის ღირსებებს და დაფარავს ნაკლს.
მოკლე, მოშვებული ქვედაბოლო
მოკლე, მოშვებული და მაღალწელიანი ქვედაბოლო - საშუალო ან დაბალი სიმაღლის გოგონას აუცილებელი ატრიბუტია. ამ სამოსში ვიზუალურად მაღალი და დახვეწილი გამოჩნდებით.
წვრილბრეტელიანი ტოპი
მინიატურულ გოგონებს მართებთ არა მხოლოდ დაიგრძელონ ვიზუალურად ფეხები, არამედ ღირსებები გამოკვეთონ - ვიწრო მკლავები, ამისათვის კი საუკეთესოა თავისუფალი, წვრილბრეტელებიანი ტოპი.
ელეგანტური მოკლე კაბა
გამხდარი გოგონების უპირატესობა იმაშია, რომ მოკლე კაბები მათზე ვულგარულად არ გამოიყურება. ატარეთ სწორი თარგის მოკლე კაბები, რომლებიც ვიზუალურად აგრძელებს ფეხებს.
ქვედაბოლო-ფანქარი
ასეთი ქვედაბოლო იდეალურია სილუეტის ვიზუალურად ასამაღლებლად. ამავდროულად, იგი გამოკვეთს წელს და ძალიან სექსუალურია.
მოკლე ბლუზები და ტოპები
საშუალო სიმაღლის გოგონებმა უნდა ატაროთ მოკლე ტოპები და ბლუზები, რათა უფრო მაღალი გამოჩნდეთ. თუმცა, უნდა შეუხამოთ მაღალყელიან ქვედაბოლოებს, შორტებსა და შარვლებს.
თავისუფალი, ზოლიანი პერანგი
ტანსაცმელზე პრინტები ოპტიკური ილუზიის ეფექტს ქმნის. ყველაზე მარტივი და უსაფრთხო პრინტი კი - ზოლებია. სილუეტის ასაჭიმად, აირჩიეთ ვერტიკალური ზოლები. უმჯობესია თავისუფალი თარგის.
მაღალწელიანი შორტები
ეს გახლავთ ყველაზე მარტივი ხერხი, ვიზუალურად შესძინოთ ფეხებს 2-3 სანტიმენტი. უმჯობესია, მაღალწელიანი ვარიანტი აირჩიოთ.
მოკლე ჟაკეტი ფართო სახელოებით
თუ დაბალი სიმაღლის ხართ, გრძელი ჟაკეტები უნდა დაივიწყოთ, რადგან ეს ვიზუალურად ამოკლებს ფეხებს და კიდევ უფრო დაბალს გამოგაჩენთ. თავისუფალი ჟაკეტები, ოდნავ წელს ქვემოთ - სწორედ ის არის, რაც გჭირდებათ!