ვარჯიშის რეგულარული შესრულება:
- - ზრდის პრესის კუნთს და ამცირებს წელის გარშემოწერილობას
- - აუმჯობესებს ნივთიერებათა ცვლას
- - ხელს უწყობს სხეულის ლამაზად დაჭერას
- - ათავისუფლებს წელის ტკივილისგან
- - მოგიხსნით შეკრულობის პრობლემას
ამ ვარჯიშისგან უმჯობესია თავი შეიკავოთ:
- - ორსულობისას
- - მენსტრუაციის დროს
- - საჭმლის მომნელებელი ტრაქტის პრობლემის შემთხვევაში
- - ჭარბწონიანობის შემთხვევაში
- - მშობიარობის ან ოპერაციის შემდგომ პერიოდში
როგორ შეასრულოთ „ვაკუუმი“
„ვაკუუმის“ შესრულება არ საჭიროებს სპეციალურ მომზადებას, საკმარისია მხოლოდ სწორი პოზა და ცარიელი კუჭი. ეს ვარჯიში უნდა შეასრულოთ უზმოზე ან ჭამიდან 2-3 საათის შემდეგ.
დაიწყეთ 15 წამით და დრო ნელ-ნელა 60 წამამდე გაზარდეთ. სულ საკმარისია 3-5 მისვლა.
თუ მუცელში დისკომფორტს იგრძნობთ, ვარჯიში შეწყვიტეთ.
ნაბიჯი 1
დაიჭირეთ საწყისი პოზიცია. ფეხები მხრების სიგანეზე, მუხლებში ოდნავ მოხრილი. ხელები თეძოებს ეყრდნობა, მუცელი მოდუნებულია.
ნაბიჯი 2
გააკეთეთ რამდენიმე მოსამზადებელი ღრმად შესუნთქვა ცხვირით და ამოისუნთქეთ პირით. შემდეგ კვლავ ღრმად შეისუნთქეთ ცხვირით და სწრაფად ამოისუნთქეთ პირით, ფულტვებიდან ჰაერი ბოლომდე დაცალეთ.
ნაბიჯი 3
დახარეთ თავი და ნიკაპი მკერდთან მიიტანეთ, შეწიეთ მუცელი ისე, რომ თითქოს ნეკნებში შემალეთ.
ნაბიჯი 4
სუნთქვა 15-60 წმ-ს შეაჩერეთ, დაძაბეთ მუცლის კუნთები.
<div></div>
ნაბიჯი 5
დროის ამოწურვის შემდეგ ნელა ამოისუნთქეთ და მოადუნეთ პრესი, შემდეგ აწიეთ ნიკაპი. ეცადეთ არ გააკეთოთ სწრაფი მოძრაობები, რათა თავიდან აიცილოთ თავბრუსხვევა.
ნაბიჯი 6
გააკეთეთ რამდენიმე ღრმა ჩასუნთქვა და ამოსუნთქვა, შემდეგ კი ყველაფერი თავიდან გაიმეორეთ.
<div></div>
მათთვის, ვისაც სურს სრულყოფილებას მიაღწიოს
- „ვაკუუმის“ შესრულება ასევე შესაძლებელია ზურგზე დაწოლილ (ხელები მოაქციეთ მუხლებში მოხრილ ფეხებს შორის), ოთხ ფეხზე დგომით ან მჯდომარე მდგომარეობაში.
- ვარჯიშის დაუფლების შემდეგ თქვენ ამ ილეთის გართულებული ვარიანტის შესრულებასაც შეძლებთ. ამისათვის, სუნთქვის შეკავების პროცესში შეეცადეთ მუცლის რამდენიმე ტალღოვანი მოძრაობა გააკეთოთ. დატვირთვა მონაცვლეობით გადაიტანეთ ხან მარჯვენა, ხან კი მარცხენა ნაწილში. შემდეგ შეეცადეთ მუცლის ცენტრში კუნთის რამდენიმე შესამცირებელი მოძრაობაც შეასრულოთ.
ზაფხულამდე არც თუ ისე ბევრი დრო რჩება, მაგრამ თუ შეეცდებით, მუცლის ფორმაში მოყვანას ჯერ კიდევ მოასწრებთ. გახსოვდეთ, წარმატების მთავარი გარანტი - რეგულარულობაა.
წყარო: adme.ru