სილამაზის შენარჩუნება ასაკის მატებასთან ერთად ყველა ქალისთვის მნიშვნელოვანია. დღეს გვინდა გადაგიყვანოთ წარსულში: იმ ეპოქაში, სადაც დღევანდელობისგან განსხვავებით, საერთოდ არ იყო დიდი რაოდენობით თავის მოვლის კოსმეტიკური საშუალებები.
ელისაბედ I სამეფო ტახტზე ბრწყინვალებისთვის იყენებდა თავის მოვლის საშუალებას, სახელწოდებით „სამი ჭიქა“. დედოფალი გამოიყურებოდა თავის ასაკთან შედარებით საკმაოდ ახალგაზრდულად, რის გამოც ხშირად ელისაბედს ჯადოქრობას მიაწერდნენ.
„მარაოს“ რედაქცია გიზიარებთ „სამი ჭიქის“ საიდუმლოს
სახის ნიღაბი „სამი ჭიქა“
- ჭიქა #1 - შეურიეთ 1 სუფრის კოვზი ზეთისხილის ზეთი 2 სუფრის კოვზ შვრიას.
- ჭიქა #2 - 2 ჩაის კოვზი ლიმონის წვენი შეურიეთ 2-3 ჩაის კოვზ თაფლსა და 3 სუფრის კოვზ გახეხილ ვაშლს. თუ მშრალი კანი გაქვთ აიღეთ ტკბილი ვაშლი, ხოლო თუ ცხიმიანი - მჟავე.
- ჭიქა #3- 1 ჭიქა რძეში გაურიეთ 1 სუფრის კოვზი მარილი
როგორ დავიტანოთ სახეზე ნიღაბი?
- პირველი ჭიქიდან ნიღაბი სუფთა კანზე დაიტანეთ, სახის წრიული მასაჟის მეშვეობით. დაიტოვეთ 5-7 წუთით, ზემოდან დაუმატეთ ვაშლის ჭიქა, კვლავ ხელის წრიული მასაჟის საშუალებით გაათანაბრეთ და გაიჩერეთ 5-7 წუთით.
- ჩამოიბანეთ ნიღაბი ბამბის ღრუბლების მეშვეობით.
- დაიტანეთ სახეზე მარილის ჭიქა #3 და გაიჩერეთ 3-5 წუთით. ჩამოიბანეთ თბილი წყლით და დაიტანეთ დამატენიანებელი საცხი.
თუმცა მსგავსი პროცედურების ჩატარებამდე აუცილებლად შეამოწმეთ საკუთარი კანი ალერგიულობაზე და არ დაგავიწყდეთ, რომ სახლის პირობებში მოვლა არაფრით ჩამოუვარდება სალონურ საშუალებებს.
წყარო: sovkusom
