ბრინჯი, თევზი და ტკბილეული - იაპონელი ქალების მბზინავი კანის საიდუმლო - Marao

იაპონელი ქალების უნარი, ასაკშიც ახალგაზრდულად გამოიყურებოდნენ, ყველას აოცებს. მათი უბერებელი სილამაზე არა პლასტიკურ ჩარევებთან და ინიექციებთან, არამედ კვებასთან და კანის სწორ მოვლასთანაა დაკავშირებული.

იაპონელი ქალების მარადიული ახალგაზრდობის საიდუმლოს ამოხსნის მცდელობისას, ბევრი ექსპერტი მიუთითებდა კლიმატზე, ჰაერსა და გენეტიკურ კოდზეც კი.

იაპონიის მკვიდრთა დიეტის საფუძველია ბრინჯი, თევზი, ბოსტნეული, მწვანე ჩაი - ბოჭკოების, ვიტამინებისა და ანტიოქსიდანტების ერთ-ერთი ყველაზე მნიშვნელოვანი წყარო.

ბრინჯი მდიდარია B ჯგუფის ვიტამინებით, მათ შორის, რიბოფლავინით. მას "სილამაზის ვიტამინს" უწოდებენ, რადგან ის ორგანიზმში კოლაგენის დონეს ინარჩუნებს, რაც კანს გლუვსა და ელასტიკურს ხდის, ასევე, ხელს უშლის დაბერებას. გარდა ამისა, ბრინჯი შეიცავს ვიტამინ E-ს, ბუნებრივ ანტიოქსიდანტს, რომელიც ეფექტურად ებრძვის თავისუფალ რადიკალებს.

ხორცპროდუქტების ნაცვლად იაპონელი ქალები უპირატესობას თევზსა და ზღვის პროდუქტებს ანიჭებენ. ისინი დიდი რაოდენობით ომეგა 3-ს შეიცავს, რაც დადებითად მოქმედებს გულის მდგომარეობაზე და ხელს უწყობს კოლაგენის შენარჩუნებას.

დაბოლოს, მწვანე ჩაი - კიდევ ერთი ძლიერი ანტიოქსიდანტი, რომელიც ხელს უშლის კანის და მთელი სხეულის დაბერებას. იაპონელი ქალები უარს არც ტრადიციულ ტკბილეულზე ამბობენ. ეს ტკბილეული ძირითადად ბუნებრივი ინგრედიენტებისგან შედგება და პატარა ულუფების მიირთმევენ.