ჯანსაღი კანის საიდუმლო - როგორ მოვამზადოთ თაფლის ნიღაბი სახლის პირობებში - Marao

თაფლის სამკურნალო თვისებები ყველასთვის ცნობილია. უძველესი დროიდან თაფლს არამხოლოდ შინაგანი დაავადებების სამკურნალოდ, არამედ კოსმეტიკისთვისაც იყენებდნენ.

თაფლის სახის ძალიან პოპულარულია. გასაკვირი არ არის, რომ ის ხშირად შედის სხვადასხვა კრემების, ბალზამების, ლოსიონებისა და სხვა კოსმეტიკური საშუალებების შემადგენლობაში. თაფლი ხელს უწყობს კანის სიახლის და ახალგაზრდობის შენარჩუნებას, არეგულირებს მასში არსებულ ყველა მეტაბოლურ პროცესს, აწესრიგებს წყლის ბალანსს და ებრძვის ნაოჭების გაჩენას. ის მდიდარია ისეთი ნივთიერებებით, როგორიცაა საქაროზა, გლუკოზა, ფრუქტოზა, ცილა, სასარგებლო ამინომჟავები, ვიტამინები, კალიუმის, ნატრიუმის, რკინის, ფოსფორის, კალციუმის და სხვა მიკროელემენტების მარილები. ამის გამო თაფლი ცნობილია, როგორც შესანიშნავი ბუნებრივი ანტიბიოტიკი (ხშირად მკურნალობენ გაციებას და ორგანიზმში სხვა ანთებით პროცესებს), მათ შორის კანისთვისაც. თაფლის სახის ნიღაბი კანის უჯრედებს თავისუფლად სუნთქვის საშუალებას აძლევს, აქტიურად კვებავს მათ და აწესრიგებს ჯირკვლების სეკრეციას.

როგორ მოვამზადოთ თაფლის ნიღაბი სახლის პირობებში:

შეურიეთ 1 კვერცხის ცილა, ½ ჩ.კ. ნუშის ზეთი, 2 ს.კ. შვრიის ფაფა და 1 ს.კ. თაფლი. მიღებული ნაზავი წაისვით სახეზე და გაიჩერეთ 15-20 წუთის განმავლობაში, შემდეგ მოიშორეთ ნიღაბი თბილ წყალში დასველებული ბამბის ბალიშით ან ხელსახოცით. ბოლოს კი შეგიძლიათ კანი ყინულის კუბიკებით გაიწმინდოთ.

თაფლის ნიღაბი მშრალი კანისთვის.

გახეხეთ ერთი კარტოფილი, დაუმატეთ 2 სუფრის კოვზი რძე, 1 ს/კ ზეითუნის ზეთი და თაფლი, ვიტამინი E-ს ამპულა მოურიეთ და მიღებული ნაზავი წაისვით სახეზე. 15-20 წუთის შემდეგ ნიღაბი ჩამოიბანეთ გრილი წყლით.

თაფლის ნიღაბი ცხიმიანი კანისთვის.

ათქვეფილი კვერცხის ცილას შეურიეთ 1 ჩ.კ. თაფლი, ლიმონის წვენი, რძე და დაამატეთ ქატო. წაისვით სახეზე 15-20 წუთის განმავლობაში და მოიშორეთ თბილი კომპრესით.