ფოტოგრაფ მარი ნაკანის უმშვენიერესი ქალიშვილი ლიტა თავაძე სოციალურ ქსელში უკვე საკმაოდ პოპულარულია. 18 წლის გოგონას "ინსტაგრამზე" 24 ათასი გამომწერი ჰყავს. ლიტუკა, დედის მსგავსად, კარგად იღებს ფოტოებს და მისი გამომწერები ფოტოებზე ბევრ თბილ კომენტარს უწერენ.
ლიტა საოცარ ფორმაშია. სულ ცოტა ხნის წინ სტილი შეიცვალა, თმა შეიღება და კიდევ უფრო დაემსგავსა მარის.
"ძაან მომწონხარ" - უწერს მოდელი თაკო ნაცვლიშვილი ლიტას ერთ-ერთ სურათზე.
მარი ნაკანი საზოგადოებამ რამდენიმე წლის წინ გაიცნო, როდესაც ფოტოგრაფი სოციალურ ქსელში კიდევ უფრო გააქტიურდა. მარისა და მის მეუღლეს, გიორგი მამასახლისს, თბილისში ფოტოსკოლა აქვთ და უკვე წლებია ფოტოგრაფიას ასწავლიან.
ლიტა მარის პირველი ქორწინებიდან ჰყავს. გოგონა ჯერ კიდევ ღრმა ბავშვობიდან ძალიან ჰგავდა დედას და რაც დრო გადის, კიდევ უფრო ემსგავსება მას.
ლიტა, აღნაგობიდან გამომდინარე, ყველაფერს ირგებს. გოგონას მაკიაჟიც ძალიან უხდება და როგორც ცნობილია, თავადაც კარგ მაკიაჟს აკეთებს. მარის თქმით, ლიტა ძალიან კარგი ვიზაჟისტია.