დეპრესია გარდატეხის ასაკში

დეპრესია გარდატეხის ასაკში
ჩვენი გამარჯვებები და დამარცხებები ნაწილობრივ დამოკიდებულია იმაზე, თუ როგორ ვუმკლავდებოდით სტრესსა და იმედგაცრუებებს თინეიჯერულ ასაკში.

საინტერესოა, რა აძლევს ადამიანთა ნაწილს ძალასა და ენერგიას უმტკივნეულოდ გადალახოს ცხოვრებისეული პრობლემები, მაშინ როდესაც უმრავლესობა უმნიშვნელო წინააღმდეგობასაც კი უდიდეს ბარიკადად აღიქვამს და პრობლემათა ხლართებში ვერანაირ პერსპექტივას ვერ ხედავს.

რატომ არსებობენ წარმატებულნი და წარუმატებელნი? აღმოჩნდა, რომ ჩვენი გამარჯვებები და დამარცხებები ნაწილობრივ დამოკიდებულია იმაზე, თუ როგორ ვუმკლავდებოდით სტრესსა და იმედგაცრუებებს თინეიჯერულ ასაკში.

მოზარდები მუდმივად განიცდიან ფიზიკურ და ფსიქოლოგიურ დაძაბულობას, ამიტომ ხშირად თავს
უბედურად აღიქვამენ. ასეთ შემთხვევაში ყველაზე კარგი ფსიქოლოგი დაკვირვებული და ჭკვიანი მშობელია.

უფროსმა ადამიანმა იცის, რომ იმედგაცრუება ცხოვრებისეული, თანაც ხშირი და გარდაუვალი მოვლენაა, ეს ცოდნა მას გამოცდილებამ მოუტანა, მოზარდები კი ძალიან მტკივნეულად აღიქვამენ ყოველგვარ წინააღმდეგობას, ასე ჰგონიათ, რომ ერთი წაბორძიკებით ყველაფერი თავზე ემსხვრევათ.


მათ არაფერი იციან იმის შესახებ, რომ გამოუვალი სიტუაცია არ არსებობს, გამოსავლის მოძებნაში კი ისევ და ისევ მშობელი უნდა დაეხმაროს, როგორ? ძალიან უბრალოდ, საკუთარ მაგალითზე:

1. ნურასოდეს ჩავარდებით პანიკაში. დაიმახსოვრეთ! აფორიაქება, ისევე როგორც სიმშვიდე, გადამდებია.

2. მოზარდის უხეშობა არ მიიღოთ პირად შეურაცხყოფად, იცოდეთ ის ზოგადად არის გაღიზიანებული.

3. შეეშვით კრიტიკას, პირიქით_ უთხარით, რომ შეცდომები თქვენც ხშირად მოგდით.

4. დაინტერესდით მისი ცხოვრებით ისე, რომ მას გაუჩნდეს სურვილი თავად გიამბოთ ყველაფერი.

5. აგრძნობინეთ თქვენი თანადგომა ნებისმიერ სიტუაციაში, არასოდეს გაამტყუნოთ სხვების თანდასწრებით.

6. ხშირად უთხარით, თუ როგორ გიყვართ იგი.

აფორიზმები მოზარდებზე

მოზარდი, ეს არის არსებაა, რომელსაც დიდი ცოდნა აქვს მიღებული სკოლის გარეთ. (მარსელინ კოკსი)

მოზარდები ცხოვრობენ სამყაროში, რომელსაც ატერორებენ მოზრდილები, ხოლო მოზრდილები ცხოვრობენ სამყაროში, რომელსაც ატერორებენ მოზარდები. (რობერტ ორბენი)

თუკი მოზარდს არ აღიქვამენ სერიოზულად, ის იქცევა, როგორც პატარა, ურჩი ბავშვი. (ალფრედ ნიუმენი)

ბუნება გვაძლევს თორმეტ წელს, რათა შევიყვაროთ ჩვენი შვილები, სანამ ისინი გახდებიან მოზარდები. (უილიამ კალვინი)

მოზარდებმა არ იციან, რომ ერთ მშვენიერ დღესაც მათაც ისეთივე მწირი ინფორმაცია ექნებათ ცხოვრების შესახებ, როგორც მათ მშობლებს. (რიჩარდ უოლდერი)

თუკი მეოცე საუკუნეში ეშინოდათ სერიული მკვლელების, ოცდამეერთე საუკუნეში ეშინიათ ჩვენი. (მოზარდი)

პატარა შვილები თავის ტკივილია, დიდი შვილები გულისტკივილია. (იტალიური ანდაზა)

საუკეთესო საშუალება შვილების სახლში ,,დასაბმელად" სასიამოვნო ატმოსფეროა. (დოროთი პარკერი)

თუკი არ გეკითხებათ, საიდან გაჩნდა და არ გეუბნებათ სად მიდის, ესე იგი თქვენი შვილი მოზარდია. (უცნობი ავტორი)

ჟურნალი "და ქალი"
FaceBook ბეჭდვა
კომენტარები / 14 /
ნინი
მშობელს გააჩნია რა...
15:32 / 28-01-2016
გამოხმაურება / 0 /
მაზოხისტი ))
მშობლებზე ვერ დაგეთანხმებით მშობლები ყველას ერთი ასაკის არ ჰყავს ასე რომ ზოგიერთ მათგანს (ხშირად უმეტესობასაც კი ) სხვანაირი ხედვა აქვს ახლანდელ ახალგაზრდობასა და სხვა მნიშვნელოვან დეტალებზე,მშOბელი რაც არ უნდა ჭკვიანი იყოს ... ბავშვს ყოველთვის ექნება რაღაც საიდუმლო ... რომელიც მისმა მეგობარმა იცის ... რადგან ის მისი ასაკისაა და ხშირად მოზარდებს მეგობრებთან საუბარი ურჩევნიათ რადგან მშობლებზე უკეთ გაუგებენ ... 3 პუნქტზე ყველა დამეთანხმება ხანდახან მშOბლებსაც არ ჰყოფნით გამბედაობა თავიანთი შეცდომები აღიარონ ... თუკი მეოცე საუკუნეში ეშინოდათ სერიული მკვლელების, ოცდამეერთე საუკუნეში ეშინიათ ჩვენი. დიახ,ახლა ბავშვებს მშობლების უფრო ეშინიათ ... თითოეულმა ჩვენგანმა წარმოიდგინოს აბა,როგორია როცა მიდიხარ დედასთან ხარ 13ის ან გინდაც 16-ის იყო ... და ეუბნები რომ გყავს შეყვარებული გგონიათ მშOბლები უმეტეს შემთხვევაში ასეთ დროს თავზე ხელს გადაუსვამენ და ეტყვიან კარგიაო ? აქეთ დაუწყებენ ჩხუბს რადროს შენი შეყვარებულიაო და ბავშვს დათრგუნავენ ამის მერე კიდევ მშობლებს დანაშაულის გრძნობა კი არ უჩნდებათ, ინტერნეტში ნახულობენ თუ როგორ მოექცნენ ბავშვს გარდატეხის ასაკში ვთქვათ,ამ საიტზე წაიკითხეს ეს სტატია ... თქვენ კიდევ აქებთ მშOბლებს და მოუწოდებთ რომ ბავშვი აკონტროლონ და ყველა ცხოვრებისეულ დეტალში ჩაუძვრნენ ? ))))
10:48 / 14-07-2014
გამოხმაურება / 0 /
ყველა კომენტარი
loadign_gif
გამოკითხვა
რომელ კატეგორიას ნახულობთ ყველაზე ხშირად?
არქივის კალენდარი
ორ სა ოთ ხუ პა შა კვ
293031 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
e87a93