ფსიქო

5 ჩვევა, რომლებიც მერილ სტრიპისგან უნდა ვისწავლოთ

5 ჩვევა, რომლებიც მერილ სტრიპისგან უნდა ვისწავლოთ
მოდით, გავიცნოთ ყველასთვის საყვარელი მსახიობის, მერილ სტრიპის წარმატების საიდუმლოებები უფრო დეტალურად.

ის გასცემს და სანაცვლოდ არაფერს ითხოვს

ინტერვიუებში სტრიპს ხშირად მოიხსენიებენ, როგორც თავდაჯერებულ, მაგრამ ამასთან, მოკრძალებულ და კეთილ ქალს, ადეკვატური თვითშეფასებით.

2012 წელს ჟურნალმა Forbes-მა საგადასახადო შემოსავლების შემოწმებისას, მსახიობისა და მისი მეუღლის მიერ დაარსებული მცირე საქველმოქმედო ფონდის, Silver Mountain-ის შესახებ შეიტყო.

ისინი ერთად მილიონობით დოლარს რეგულარულად რიცხავდნენ სხვადასხვა დანიშნულებით - ქალთა ინტერესების დაცვის მხარდაჭერიდან, თეატრალური პროგრამების დაფინანსებით დამთავრებული.

როცა მსგავს ქველმოქმედებას ახორციელებს ადამიანი, გასცემს ისე,
რომ სანაცვლოდ არაფერს ითხოვს, მის პიროვნებაზე ბევრს ამბობს. როცა მიუხედავად ფინანსური მდგომარეობისა, გასცემთ, თქვენი სტრესის დონე იკლებს, ხდებით უფრო ბედნიერი და კრეატიული.

Картинки по запросу meryl streep gif

ის სახლის საქმეებით ძველებურადაა დაკავებული

სიმართლე რომ ვთქვათ, არავითარი დასტური და მტკიცებულება არ არსებობს იმისა, თუ კონკრეტულად რამდენადაა დაკავებული მერილ სტრიპი სახლის საქმეებით. თუმცა მისი ერთ-ერთი ყველაზე პოპულარული ციტატა სწორედ იმაზე მეტყველებს, რომ საშინაო რუტინის მიმდევარია: „ვცდილობ, მაქსიმალურად ჩვეულებრივი ცხოვრებით ვიცხოვრო. თუ საკუთარ სამოსს თავად აუთოებთ, ეს თქვენს იმიჯს არანაირად არ ვნებს“.

იგივე მიდგომა აქვს სტრიპს წარმატებასთან: მას თავად უნდა მიაღწიოთ და არ ელოდოთ, როდის მოგართმევენ ლანგრით.
Картинки по запросу meryl streep gif

კონცენტრირებულია საკუთარ ნიჭზე და არა გარეგნობაზე

ერთხელ მსახიობმა განაცხადა, რომ ახალგაზრდობაში საკუთარი გარეგნობა არ მოსწონდა და თავს უბრალოდ მსახიობად მიიჩნევდა. ამან აიძულა, კონცენტრირება მოეხდინა საკუთარი უნარების და არა გარეგნობის განვითარებაზე.

დაჯილდოების ერთ-ერთ ცერემონიაზე მერილ სტრიპმა თქვა:

„მინდა ახალგაზრდა გოგონებს ვურჩიო, რომ ასე ძალიან ნუ განიცდიან წონის გამო. დღეს ამაზე ფიქრში ზედმეტად დიდ დროს კარგავთ, თუმცა სამყაროში ბევრი მშვენიერი რამაა. იგივე ეხება მამაკაცებსა და ქალებს - ის, რაც სხვებისგან გამოგარჩევთ, თქვენი ძლიერი მხარეა. ადამიანები ცდილობენ გამოიყურებოდნენ ისე, როგორც ყველა, სინამდვილეში კი სამყარო მხოლოდ იმ ადამიანებს ამჩნევს, რომლებიც რაღაცით განსხვავდებიან. მე, მაგალითად, ადრე ჩემი ცხვირი არ მომწონდა, ახლა კი ასე არ ვფიქრობ“.

სტრიპის მოსაზრებას მეცნიერებიც ადასტურებენ - საკუთარი თავის აღიარება ბედნიერი ცხოვრების საწინდარია.
Картинки по запросу meryl streep gif

მეგობრული და შეკრული ოჯახის შექმნა


მერილ სტრიპი ძალიან აფასებს დედებს, რომლებიც 9-დან 5 სთ-მდე მუშაობენ, პარალელურად კი შვილების აღზრდასაც ასწრებენ. ის ჰყვება, რომ ერთი სამუშაო ადგილის მეორით შეცვლამ უფლება მისცა, შვილებთან მეტი დრო გაეტარებინა და ფიქრობს, რომ ამას ნაკლებად მოახერხებდა, მთელი ცხოვრება ერთ სამსახურზე მიჯაჭვული რომ ყოფილიყო. ის იმ სურვილით ხელმძღვანელობდა, რომ ოჯახთან უფრო ახლოს ყოფილიყო და შეემცირებინა გადასაღებ მოედანზე ყოფნის დრო. ეს მიდგომა სტრიპს დაეხმარა, ახლობლებთან სიახლოვე შეენარჩუნებინა.

ასეთი ბალანსი მხოლოდ მერილისთვის არ იყო მნიშვნელოვანი. როგორც კვლევებმა აჩვენა, ეს აბედნიერებს როგორც თავად მსახიობს, ისე მის შვილებს.
Картинки по запросу meryl streep gif

ის სურათს ყოველთვის ერთ მთლიანობაში წარმოიდგენს


დამნაშავენი თავად ვართ, როცა სტრესის, მუდმივი შფოთვისა და განცდის ქვეშ ვექცევით, რადგან ადამიანი მიჩვეულია, საკუთარ თავზე ზედმეტი პასუხისმგებლობა აიღოს. მაგრამ თუ უკან დაიხევთ და მოეშვებით, მაშინ სურათს ერთ მთლიანობად იხილავთ.

სტრიპი გამოტყდა, რომ წარსულში დაბრუნების და 20 წლის ასაკში საკუთარ თავთან საუბრის შანსი რომ ჰქონოდა, შეახსენებდა, რომ უფრო მასშტაბურად ეფიქრა.

Похожее изображение

მან დეტალებზე ჩაციკვლის გამო სინანული გამოთქვა, როცა იმავე წარმატებით შეეძლო დრო გაეტარებინა ფიქრში, რომ გაეგო იმ როლის მნიშვნელობა, რომელსაც საერთო ჯამში კულტურაში ასრულებს: „საქმე იმაშია, რომ ეკრანზე სხვადასხვა ადამიანს თამაშობ, რომელთა ცხოვრებისეული გზები რადიკალურად განსხვავდება. მრავალფეროვნება კარგია, ის კულტურას ამდიდრებს“.

საკუთარ პასუხისმგებლობაზე, როგორც მსახიობი,  ასეთი მოსაზრება მის გონიერებასა და ადამიანობაზე მეტყველებს - ორ ძირითად თვისებაზე, რომლებიც თქვენი სახელის სიყვარულსა და პატივისცემას განაპირობებს.

წყარო: cluber.com.ua


FaceBook ბეჭდვა
კომენტარები / 1 /
darejan
Chemi sakvareli msaxiobi ideal
11:00 / 04-05-2019
გამოხმაურება / 0 /
loadign_gif
გამოკითხვა
რომელ კატეგორიას ნახულობთ ყველაზე ხშირად?
არქივის კალენდარი
ორ სა ოთ ხუ პა შა კვ
252627282930 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
e87a93