მოდელი და ტელეწამყვანი ნუკი კოშკელიშვილი სოციალურ ქსელში დიდი პოპულარობით სარგებლობს. ნუკი ამერიკაში ცხოვრობს, თუმცა საქართველოს ხშირად სტუმრობს და ამჯერად ქმართან, ბენჯი ხაიმსა და შვილთან, ოვისთან ერთად სწორედ სამშობლოში იმყოფება.
განსაკუთრებულ სიყვარულს იმსახურებს ნუკის ქმარი, ბენჯი ხაიმი, რომელსაც ქართველების საყვარელ სიძედაც ხშირად მოიხსენებენ. ბენჯი ცდილობს, ისწავლოს ქართული ენა და საკუთარ გვერდზე სახალისო ვიდეოებსაც ხშირად აქვეყნებს. ამჯერად კი ნუკი კოშკელიშვილი „ტიკტოკზე“ ბენჯისთან ერთად გადაღებულ კადრებს აქვეყნებს და გამომწერებისგან არაერთ კომპლიმენტს იმსახურებს: „ოქროს სიძე გვყავს ჩვენ“, „ნუკი, ასეთი ლაღი რომ ხარ, შენი ქმრის დამსახურებაა“, „ძალიან საყვარლები ხართ“ - წერენ კომენტარებში.