ქეთა თოფურიას ცხოვრების გარშემო მითქმა-მოთქმა არასდროს წყდება, განსაკუთრებით კი მას შემდეგ, რაც გუფისთან ურთიერთობა დაასრულა.
მისი ბოლო პოსტებიდან ჩანს, რომ ახალი ცხოვრება დაიწყო და ცდილობს, ყველაფერი, რაც აწუხებდა, დაივიწყოს.
ცოტა ხნის წინ მან ახალი წელი ამ პოსტით მოგვილოცა: „მეგობრებო! ყველას გილოცავთ ახალ წელს! ინტუიცია მკარნახობს, რომ ეს წელი მშვენიერი იქნება. ხშირად გაიღიმეთ და აუცილებლად იოცნებეთ. ეს ოცნებები სწორი და მიზანმიმართული რომ იყოს, მის დეტალებს განსაკუთრებული ყურადღება მიაქციეთ.
მე კი უკვე ბოლო კონცერტს ჩავატარებ ამ ახალ წელს, რის შემდეგაც ნანატრ შვებულებას ავიღებ და დავისვენებ.“
როგორც ხედავთ, ქეთა მშვენიერ ფორმაშია...
ახლახან მომღერალმა „ინსტაგრამზე“ ახალი ვიდეო გამოაქვეყნა, სადაც ვლადისლავ რამთან ერთად მღერის.
ზოგიერთმა ვერ გაიგო, ვინ იყო ეს ბიჭი და ამ თემასთან დაკავშირებით მითქმა-მოთქმა დაიწყო, თუმცა ფაქტია, რომ მომღერალი ქეთას უახლოესი დაქალის, მიმი შელიას შეყვარებულია და შესაბამისად, მათ შორის არაფერი ხდება.
გუფისთან დაშორების შემდეგ ქეთა უფრო მიზანმიმართული გახდა და როგორც ჩანს, ბევრი რამ გადააფასა.