სამეფო პროტოკოლი პრინცესებს და ჰერცოგინიებს საკმაოდ ბევრ რამეს უკრძალავს: მათ არ შეუძლიათ ავტოგრაფების დარიგება (ხელმოწერა მხოლოდ ოფიციალურ დოკუმენტაციაზე), სამაგიდო თამაშებიდან "მონოპოლიის" თამაში (ვინაიდან პროცესში კამათი გარდაუვალია) და ქურქების ტარება.
აკრძალვების რიცხვს ემატება კვასკვასა ფერის ფრჩხილის ლაქი. ის უნდა იყოს გამჭვირვალე ან ნუდი. მაგალითად, დედოფალი ელისაბედი 1989 წლიდან ბრენდ Essie-ს ფრჩხილის ნახევრად გამჭვირვალე ლაქს იყენებს მხოლოდ.
პრინცესა დიანამ რამდენჯერმე დაარღვია პროტოკოლი - მას უზომოდ მოსწონდა კლასიკური წითელი ლაქი და ოფიციალურ შეხვედრებზეც კი არ ღალატობდა საყვარელ ფერს.
მისი კიდევ ერთი გატაცება - ცისფერი თვალის ფანქარი იყო, რომელსაც ქვედა ქუთუთოზე ისვამდა. ეს კი მისი საფირმო დეტალი აღმოჩნდა: მკვეთრი რუჟი და ცისფერი თვალის ფანქარი. პრინცესა დიანას ვიზაჟისტი იყო მერი გრინველი - დღეს ის მუშაობს კეიტ ბლანშეტთან, ამანდა სეიფრიდთან, ემილია კლარკთან და სხვა ცნობილ ჰოლივუდელებთან.
სწორედ მერიმ დაარწმუნა პრინცესა ლურჯის კლასიკური ყავისფრის ჩანაცვლებაზე. "მე მას უბრალოდ ვუთხარი რომ ბაცი ყავისფერი უფრო ნატურალურად და ლამაზად გამოიყურება, ხოლო დიანას არასდროს სურდა, ყოფილიყო გამომწვევი - მისთვის მნიშვნელოვანი იყო თვალებზე ხაზგასმა, ჩვენ კი ამას ვაღწევდით ტუშის ბევრი ფენისა და ჩრდილების მეშვეობით."
წყარო: elle