10 ცნობილი ადამიანი, რომელთა ტატუც მათ ცხოვრებას ასახავს

10 ცნობილი ადამიანი, რომელთა ტატუც მათ ცხოვრებას ასახავს

ყველა ტატუს აქვს მნიშვნელობა. ეს მშობლების, საუკეთესო მეგობრების მოგონებებია, ჰობია და ადამიანის შინაგანი სამყაროც, ამავდროულად.

გამონაკლისს არც ჰოლივუდის ვარსკვლავები წარმოადგენენ: მათ აქვთ ტატუები, რაც სხვადასხვა დატვირთვას ატარებს, მაგრამ ზოგიერთი მათგანის მნიშვნელობა ერთი შეხედვით სულაც არ არის გასაგები. ამიტომ საჭიროა,  უკეთ დავაკვირდეთ მათ.

"მარაოს" დღევანდელ სტატიაში მოვაგროვეთ თქვენი საყვარელი ცნობილი ადამიანების ტატუების მნიშვნელობა.


1. კოორდინატები ანჯელინა ჯოლის მხარზე

ანჯელინას აქვს რამდენიმე ტატუ, რომლებიც ასახავს მისთვის მნიშვნელოვან ნივთებს. ერთ-ერთი ასეთი ტატუ არის მსახიობის მხარზე. ადრე ამ ადგილს
ქმრის სახელი - მსახიობ ბილი ბობ ტორნტონის ტატუ ერქვა, მაგრამ 2003 წელს ისინი დაშორდნენ და მას ტატუს მოშორება მოუწია. ახლა აქ არის ანჯელინას შვილების დაბადების ადგილის კოორდინატები: კამბოჯა - მედოქსი, ეთიოპია - ზახარი, ნამიბია - შაილო, ვიეტნამი - პაქსი, საფრანგეთი - ტყუპები ნოქსი და ვივიენი და ბოლო არის ბრედ პიტის დაბადების ადგილი ოკლაჰომაში.

2. ბალადა ყველასთვის საყვარელ მაილი საირუსს

მაილი საირუსს არ ეშინია იმის დემონსტრირების, თუ რა უყვარს. მისი თითოეული ტატუ არის ხარკი - მეგობრობის, ოჯახის წევრებისა და შინაური ცხოველებისადმი. მაგალითად, მომღერლის იდაყვზე გამოსახულია მისი ლეკვის სურათი - პიტბულის, სახელად მერი ჯეინის. კიდევ ერთი საინტერესო ტატუ, წარწერა Love, მომღერლის ყურზეა. იგი სიმბოლოა იმისა,  რომ მაილის სურს მოისმინოს მხოლოდ პოზიტიური რაღაცები და დაახშოს ყველაფერი უარყოფითი.

3. სიტყვა "საზიზღარი" ჯონი დეპის თითებზე

ჯონი დეპის სასიყვარულო ისტორიის გასარკვევად უბრალოდ საკმარისია იცოდეთ მისი ტატუს ისტორია. როდესაც მან გაიცნო უაინონა რაიდერი, მან მხარზე დაიწერა "Winona Forever" ("უაინონა სამუდამოდ"). განშორების შემდეგ მან შეასწორა ტატუ "Wino Forever"-ით ("ლოთი სამუდამოდ"). მსგავსი ამბავი მოხდა ამბერ ჰერდთანაც. დეპმა თითებზე გაიკეთა წარწერა Slim, რაც მსახიობის მეტსახელი იყო. მათი რთული განშორების შემდეგ მან შეასწორა წარწერა Scum-ით ("საზიზღარი"). თუმცა მსახიობის წარმოსახვა მხოლოდ ამაზე არ შეჩერდა, მოგვიანებით მან მხოლოდ ერთი ასო შეასწორა და წარწერა შეცვალა Scam-ით ("ტყუილი").

4. თაგუნია - ლედი გაგას უმცროსი და

ლედი გაგამ თქვა, რომ თაგვის ტატუ მკლავზე მიუძღვნა თავის უმცროს დას, ნატალიას: მომღერალმა მას პატარა ასაკში დაარქვა თაგუნია. ასევე მნიშვნელოვანია ტატუს დეტალები. თაგვს ნემსი უჭირავს, რაც ასახავს ნატალის სიყვარულს ტანსაცმლის დიზაინისადმი, ხოლო პატარა ცხოველის ფეხებთან ახლოს ძაფი ქმნის მეტსახელს Nat.

5. ბრუკლინ ბექჰემის ოჯახის კოდი

დევიდ ბექჰემს აქვს შვილებისა და ქალიშვილების სახელების ტატუები. მისი უფროსი ვაჟი, ბრუკლინ ბექჰემი, მამამისს კვალდაკვალ გაჰყვა და მინიმალისტური ტატუ გაიკეთა "020511". ეს რიცხვები მიუთითებს მისი და-ძმების დაბადების წლებზე: 02 - რომეო, 05 - კრუზი, 11 - ჰარპერი.

6. მეგან ფოქსის შეხსენება

"ჩვენ ყოველთვის გავიცინებთ ოქროს პეპლებზე" - წარწერა მსახიობის უკანა მხარეს. ეს არის ფრაზა შექსპირის პიესიდან King Lear. მეგანის თქმით, ეს შეხსენებაა, რომ თქვენ უნდა დარჩეთ ჩვეულებრივ ადამიანად, ჰოლივუდში ცნობადი პერსონის შემთხვევაშიც კი. მსახიობის სხეულზე კიდევ ერთი შეხსენება არის ჩინური ძალის სიმბოლო, რომელიც ამბობს, რომ სიზმრისკენ მიმავალ გზაზე ძლიერი უნდა იყოთ.

7. ემა სტოუნის მკლავზე კიბოზე გამარჯვების ფრთები

ძალიან სიმბოლური ტატუ არის ემა სტოუნის მაჯაზე. ემამ და დედამისმა გაიკეთეს იდენტური ტატუები, რომელიც ფრინველის ფეხის ანაბეჭდებს განასახიერებს. ეს დედის გამარჯვებას აღნიშნავს ძუძუს კიბოს წინააღმდეგ ბრძოლაში. ტატუ თავად პოლ მაკარტნიმ დახატა, რომელიც შთაგონებულია ემას დედის სიყვარულით "Blackbird" სიმღერისადმი.

8. "დამზადებულია ინგლისში" კარა დელევინის ფეხზე

დამზადებულია ინგლისში - წარწერა კარას მარცხენა ფეხზე. ასე მოდელმა გამოხატა ისეთი გრძნობები, რომლებსაც ის ხშირად განიცდიდა მოდების ჩვენებების დროს. მისი თქმით, ბევრ მოდელს თოჯინებივით ან ნივთებივით ექცევიან. აქედან გამომდინარე, ტატუ ჰგავს ბეჭედს, რომელიც, როგორც წესი, განთავსებულია მანეკენებზე.

9. მქადაგებლის რჩევა კელი კლარკსონისთვის

მომღერლისა და მსახიობის მაჯაზე კელი კლარკსონმა დაიწერა Love Them More ("შეიყვარე ისინი უფრო მეტად") და ჯვრის გამოსახულება. ბავშვობაში კელიმ ჰკითხა მქადაგებელს: „რატომ არის ზოგიერთი ადამიანი ბოროტი?“, რაზეც მან უპასუხა: „იმიტომ, რომ ისინი საკმარისად არ უყვართ“. როდესაც ის გაიზარდა, მან ეს ტატუირება ერთგვარ შეხსენებად აქცია. კელის თქმით, როდესაც ის ხვდება ბოროტ ადამიანს, ის იხსენებს, რომ ის ბოროტია იმიტომ, რომ საკმარისად არ უყვარდათ.

10. პოლ უოლკერის ანგელოზი ყოველთვის ვინდ დიზელთან ერთად

2013 წელს Fast and Furious-ის მსახიობი და ვარსკვლავი პოლ უოლკერი ავტოკატასტროფაში გარდაიცვალა. ამის შემდეგ, საუკეთესო მეგობრის ხსოვნის შესანარჩუნებლად, ვინ დიზელმა ზურგზე დიდი ტატუ გაიკეთა ფრთებითა და თვალებით, რომელიც პოლ უოლკერის ყველა გულშემატკივრისთვის ნაცნობია.

თქვენ როგორი ტატუ გაქვთ და რა დატვირთვას ატარებს ის? გაგვიზიარეთ

FaceBook ბეჭდვა
კომენტარები / 0 /
კომენტარი ჯერ არ გაკეთებულა
loadign_gif
გამოკითხვა
რომელ კატეგორიას ნახულობთ ყველაზე ხშირად?
არქივის კალენდარი
ორ სა ოთ ხუ პა შა კვ
28293031 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30
e87a93