44 წლის ანჯელინა ჯოლიმ ახალ ფოტოსესიაში მიიღო მონაწილეობა. მსახიობმა გაშიშვლება გადაწყვიტა მოდური ჟურნალის ყდისთვის. ვარსკვლავი პოზირებდა ცნობილი ბრიტანელი ფოტოგრაფის, ანდრეს კუდაკის ობიექტივის წინ. ჯოლი ადრეც თანამშრომლობდა ცნობილ ლათინოამერიკელ ფოტოგრაფებთან, თუმცა ამჯერად გაშიშვლება სწორედ ანდრესის კადრისთვის გადაწყვიტა.
ენჯი ფაიფურის აბაზანაშია, სადაც ეროტიკული პოზა მიიღო, ბრედ პიტის ყოფილი მეუღლე საკმაოდ სექსუალური მზერით გამოჩნდა ყდაზე. ვიზაჟისტებმა შთამბეჭდავი მაკიაჟით მისი ლამაზი სახის ნაკვთები გამოკვეთეს და სველი ვარცხნილობაც შეუსაბამეს. მსახიობს ყურებზე მასიური საყურეები, ხოლო მაჯაზე მინიმალისტური მეტალის სამაჯური ამშვენებს.
პროვოკაციულმა ფოტომ ფრანგული ჟურნალის, Madame Figaro-ს ყდა დაამშვენა. გამომცემლობის მთავარმა რედაქტორმა რიჩარდ ჯინორიომ ფოტო თავის ოფიციალურ "ინსტაგრამგვერდზე" გამოაქვეყნა.
თაყვანისმცემლების მხრიდან საკმაოდ დადებითი გამოხმაურება მოჰყვა ენჯის ეროტიკულ კადრს: „უბრალოდ იდეალური ხარ“, „ასეთი მხურვალე იყო - ეს სრული სიგიჟეა“, „დედოფალი“, „ნამდვილი ბომბი ხარ“ - დააკომენტარეს გამომწერებმა, ხოლო მსახიობმა მონიკა ბელუჩიმ და ტოპ-მოდელმა კარლა ბრუნიმ თავიანთი სიმპათიები ფოტოს მოწონებით გამოხატეს.
წყარო