„ბავშვებთან ერთად დასვენების მშვენიერი კადრია ასახული, არც წყალში ჩასვლა რომ არ შეგიძლია და არც ფოტოს გადაღება მათ გარეშე. ჰოდა, მთავარია, ბავშვები გრძნობდნენ თავს ბედნიერად“, - ამბობს მოდელი, ერთ-ერთ ახალ ფოტოსთან დაკავშირებით.
ირინამ გადაწყვეტილება მიიღო, რომ „ინსტაგრამზე“ პერიოდულად აფხაზეთის ფოტოები გამოაქვეყნოს. „წინა აფხაზეთის ფოტოზე მომწერა ვიღაცამ (რა თქმა უნდა, რუსული გვარით), დიდი ხანია ეგ თქვენი აღარ არისო. მაგ დროს სიბრაზე მახრჩობს. ამიტომ გადავწყვიტე, პერიოდულად ჩვენი აფხაზეთის ფოტოებით შევახსენო ოკუპანტებს, რომ რუსეთი ოკუპანტია“.
აქვე იხილავთ მანიკა ასათიანთან გადაღებულ ფოტოსაც. როგორც ირინამ განაცხადა, მანიკა ახალ რეკლამაში გადაიღეს და ფოტოც იმ დღის ამსახველია.
ეს ორი მშვენიერი ქალბატონი უკვე დიდი ხანია, რაც მეგობრობს.
შეგახსენებთ, რომ ირინას ძალიან საყვარელი ბიჭები ჰყავს: საბა და დათი. საბა ცოტა ხნის წინ 4 წლის გახდა.
მოდელი ჩვეულ ფორმაშია და ახალ ფოტოებს გამომწერების მხრიდან დადებითი გამოხმაურება მოჰყვა.