"ადამიკო მშვენიერ დღეს დაიბადა!": ქეთა თოფურიამ შვილის პირველი ფოტო გაასაჯაროვა - Marao

34 წლის ქეთა თოფურიამ პირად "ინსტაგრამგვერდზე" ახალშობილი ვაჟის ფოტო გამოაქვეყნა. პოპ-დედოფალმა მეორე ორსულობის შესახებ 8 თვის ვადაზე გაამხილა. გუშინ ქეთა მეორედ გახდა დედა. ინსაიდერების თქმით, დედა და ახალშობილიც კარგად გრძნობენ თავს. დღეს კი სოციალურ ქსელში მომღერალმა პატარას ფეხის ფოტო გამოაქვეყნა და როგორც თავად აღნიშნავს, ძალიან ბედნიერია, რომ 21 წლის, 21 დღეს, 21-ე საუკუნეში მოევლინა მისი ვაჟი ქვეყანას.

ახალგაზრდა დედამ ბავშვის სახე არ გამოაჩინა. ფოტოზე პასტელური მწვანე შარვალი ჩანს, რომელიც ქეთამ პატარას დაბადებამდე უყიდა. ყველასათვის საყვარელმა ვარსკვლავმა ბავშვის სახელზე გამომწერები დიდხანს არ აწვალა. ლევმა და ქეთამ ბავშვს ბიბლიური სახელი - ადამი შეურჩიეს.

"რა ლამაზი სახელია, გაიზარდოს ჯანმრთელი და ბედნიერი", "მშვენიერი თარიღია", "მოუთმენლად ველით ბავშვის სახეს", ადამიკო ნამდვილად მშვენიერ დღეს გაჩნდა", "ბედნიერება თქვენს ოჯახს" - ულოცავენ მომღერალს პირად გვერდზე.

შეგახსენებთ, რომ ქეთამ ბიზნესმენ ლევ გეიხმანთან პირველი ქორწინებიდან გოგონა -ოლივია გააჩინა. ქორწინება 4 წლის შემდეგ განქორწინებით დასრულდა.

2019 წელს ქეთამ ურთიერთობა დაიწყო დიპლომატ ლევ დენგოვთან, შემოდგომაზე კი წყვილმა ნიშნობა ვიწრო წრეში გადაიხადა.

მომღერალი ორსულის დროსაც აქტიურად განაგრძობდა მუშაობას. როგორც ჩანს, დეკრეტშიც დიდხანს არ გაჩერდება.

"მარაოს" რედაქცია უერთდება მილოცვებს.