ირინკა კავსაძე შეყვარებულთან ერთად გადაღებულ ვიდეოს აქვეყნებს - ვინ არის კახი კავსაძის შვილიშვილის რჩეული

კახი კავსაძის შვილიშვილი, ირინკა კავსაძე, რომელიც ასევე ხელოვნების სფეროს წარმომადგენელია, შეყვარებულია. მისი რჩეული მსახიობი გიორგი ტაბიძეა. წყვილმა სოციალურ ქსელში ერთობლივი ვიდეო გამოაქვეყნა და მეგობრებისგან არაერთი კომპლიმენტიც დაიმსახურა.


ირინკა კავსაძეს ვიზუალურად ძალიან ამსგავსებენ ბაბუას, კახი კავსაძეს. ის უკვე 18 წელია, რაც ოჯახთან ერთად აშშ-ში ცხოვრობს და სინეტიკის თეატრის მსახიობია. ირინკა ფართო საზოგადოებამ პროექტიდან „ცეკვავენ ვარსკვლავები“ გაიცნო, სადაც პარტნიორობას ოთო ფოლადაშვილი უწევდა. წყვილმა ფინალში გასვლა მოახერხა.

გიორგი ტაბიძესაც საზოგადოება კარგად იცნობს. მან დასამახსოვრებელი როლი სერიალ „ჩემი ცოლის დაქალებში“ შეასრულა და აქტიურად აგრძელებს სამსახიობო კარიერას.