SEX...

უთხარი მას ყურში: 5 წესი, როგორ ვესაუბროთ მამაკაცს სექსუალურად

უთხარი მას ყურში: 5 წესი, როგორ ვესაუბროთ მამაკაცს სექსუალურად
წარმოიდგინეთ, რა რთული შეიძლება იყოს მსახიობებისთვის ეროტიკული როლი, სადაც აუცილებლად უწევთ კონკრეტული ნიუანსების გათვალისწინება, რომ ვიზუალიც და ხმაც საინტერესოდ წარმოჩენილი იყოს.
ამ სტატიაში მოგითხრობთ იმაზე, როგორ გავხადოთ ჩვენი ხმა უფრო ხავერდოვანი და შევძლოთ ისე საუბარი, რომ მამაკაცი მოვხიბლოთ.
  • ჩნდება კითხვა: როგორ გადავლახოთ სირთულე მაშინ, თუ შეყვარებული ვართ, მაგრამ უხამსი სიტყვების თქმა გვეუხერხულება? - უნდა ვთქვათ უარი უხერხულობის განცდაზე და გალიიდან გამოვიდეთ.
მსახიობი ბარბარა როზენბლატი თამაშობდა ერთ-ერთ ცნობილ სერიალში, სახელად "ნარინჯისფერი", სადაც მის როუზის როლი ჰქონდა.
ამ
ქალბატონმა თავისი ცხოვრების უდიდესი ნაწილი აუდიოჩანაწერებს დაუთმო, რომლებიც წიგნებს ერთვოდა. ჯამში, აუდიოწიგნების რაოდენობა 400 ცალს აღემატებოდა.
ამ ყველაფერში კი ეროტიკაც დომინირებდა. შესაბამისად, მისი რჩევის მოსმენა ურიგო არაა: 

1. დაეუფლეთ ხავერდოვანი ტემბრის ხელოვნებას

თავდაპირველად ჩამწერი გამოგადგებათ. სცადეთ თქვენი ხმის ჩაწერა რამდენჯერმე. არ თქვათ, რომ დაიღალეთ! ეს პროცესი განაგრძეთ იქამდე, ვიდრე არ გააცნობიერებთ, რა მოგწონთ საკუთარ ტემბრში.
საკუთარი ხმა ყველას არ მოსწონს, მაგრამ მაქსიმალურად უნდა ეცადოთ, რომ ეს კომპლექსი დაძლიოთ.
დაიმახსოვრეთ, რომ მოსაუბრეს შეუძლია მაცდური იყოს არა მხოლოდ ხმით, არამედ რიტმითაც.
მოუსმინეთ, დაუსვით კითხვები, შეარჩიეთ სწორი ტემპი.

2. ნუ გააკრიტიკებთ საკუთარ თავს

უკეთ გაიცანით თქვენი პარტნიორის ფსიქოლოგია. გაარკვიეთ, რა საზღვრებს უწესებს საკუთარ თავს და არის თუ არა მზად ფანტაზიების განსახორციელებლად.
იმისთვის, რომ მამაკაცი თქვენი საუბრით და მანერებით მოხიბლოთ, საჭიროა, რომ თავს კომფორტულად გრძნობდეთ. ზოგჯერ ხმის მეტისმეტად განაზება სასაცილოც კი არის. ამიტომ ვეცადოთ, რომ დაცინვის ობიექტად არ ვიქცეთ.

3. დაადგინეთ დიაპაზონი და გაიხსენით

ვინ თქვა, რომ მხოლოდ დაბალი ტემბრით მოსაუბრე ქალები არიან სექსუალურები? სტერეოტიპებს ნუ აჰყვებით, რადგან შეგიძლიათ ისაუბროთ თამამად და ნაკლებად ხმადაბლა, რაც არანაკლებ სექსუალური შეიძლება იყოს. ასევე ერთ-ერთი ყველაზე გავრცელებული ხრიკია ჩურჩული. ასეთ დროს შეგიძლიათ სხვა ხმა გაითამაშოთ, მაგრამ სჯობს საკუთარი თავი არ შეცვალოთ, რომ მეტად ბუნებრივი იყოთ. მიდით მასთან ახლოს და უთხარით სასურველი სიტყვები იმ ტემბრით, რომელიც თქვენი გულიდან მოდის.
გამოიყენეთ თქვენი ქალური ხიბლი და ძალა, რომ სასურველ მომენტში თქვენი ვნებიანი ბუნება გამოაშკარავდეს.

4. ნუ იქცევი ნიმუშების, შაბლონების მიხედვით

ფილმებსა და სერიალებში ხშირად შევხვდებით სცენებს, სადაც რომანტიკული გმირის ხელწერა უხეშობასთანაა კავშირში. კლიშეებში არ უნდა მოექცეთ. ყურადღება მიაქციეთ იმას, რა გსურთ თქვენ, როგორი ტემბრი გაღელვებთ თავად. მიმზიდველი ხმის ფორმულა ძირითადად სარეკლამო სტანდარტებთან იგივდება. სინამდვილეში კი ჩვენთვის გაცილებით მიმზიდველი შეიძლება იყოს საყვარელი ადამიანის ხმა.

5. იზრუნე იმაზე, რომ სექსუალურად გამოიყურებოდე

არსებობს მთავარი ხრიკი: ჩაცმულობა, რომელიც ყველაფრის საწყისია.
სხვაგვარად გრძნობთ თავს, როდესაც ბოლოკაბა გაცვიათ და მაღალქუსლიანი ფეხსაცმელი, ვიდრე იოგის დროს ჩასაცმელი შარვალი. 
ჩაცმა აიოლებს კომუნიკაციასაც. რაც უფრო სექსუალურად გრძნობთ თავს ვიზუალურად და შინაგანად, მით უფრო გემჩნევათ ეს ხმის ტემბრზეც. დაეხმარეთ საკუთარ ენერგიას, რომ ზედაპირზე ამოსვლა შეძლოს.

ამგვარად, ბარბარა როზენბლატის აზრით, ეს 5 ნიუანსი მნიშვნელოვანია, თუ გვსურს, რომ კომფორტულად ვიგრძნოთ თავი და სექსუალურად საუბარი იმაზე კარგად გამოგვივიდეს, ვიდრე აქამდე.

წყარო: elle.ru
FaceBook ბეჭდვა
კომენტარები / 0 /
კომენტარი ჯერ არ გაკეთებულა
loadign_gif

გამოკითხვა
რომელ კატეგორიას ნახულობთ ყველაზე ხშირად?
არქივის კალენდარი
e87a93