ნამცხვარი „შარლოტა“ იოლი მოსამზადებელია. მანდარინი კი განსაკუთრებულ არომატს ანიჭებს.
ინგრედიენტები:
- კვერცხი 4 ცალი
- კეფირი 250 მლ
- შაქარი 1,5 სუფრის კოვზი
- ვანილინი
- ფქვილი 300 გრ
- მცენარეული ზეთი 130 მლ
- გამაფხვიერებელი 2 ჩაის კოვზი
- მანდარინი 4 ცალი
- შაქრის პუდრა 1 სუფრის კოვზი
- ლიმონის ან ფორთოხლის წვენი 1 ს/კ
მომზადების წესი:
ათქვიფეთ კვერცხი შაქართან და ვანილინთან ერთად. ჩაასხით კეფირი და მცენარეული ზეთი. ნელ-ნელა ჩააყარეთ ფქვილი და გამაფხვიერებელი. განუწყვეტლივ თქვიფეთ. ჩაუმატეთ ლიმონის წვენი და მიღებული ცომი გადაიტანეთ ცხიმწასმულ ფორმაში. გაფცქვენით მანდარინი, ლებნები დააცალკევეთ და მოათავსეთ ცომის ზედაპირზე.
აცხვეთ - 50 წუთი, 180° ტემპერატურაზე. როდესაც გამოცხვება, ზემოდან შაქრის პუდრა მოაყარეთ.
გემრიელად მიირთვით!