ოღონდ არ თქვათ, რომ თქვენ ეს არ გქონიათ... სექსოლოგების სტატისტიკით: ყველა ორგაზმის 10 % ნამდვილი არ არის ან იმიტირებულია. მაგრამ ეს სტატისტიკა ბევრად შთამბეჭდავია.
რისთვის არის ეს საჭირო? ამჩნევენ თუ არა კაცები, რომ მათ ატყუებენ? ვნებს თუ არა "სიმულანტს" ყალბი ორგაზმი?
შევეცდებით, ამ და სხვა კითხვებს პასუხები გავცეთ; იქნებ ჩვენი ექსპრეს-კვლევა ვინმეს აუცილებელი დასკვნების გაკეთებაში დაეხმაროს.
რატომ და რისთვის სიმულირებენ ქალები ორგაზმს?
ყველაზე გავრცელებული მიზეზია - ნეტავ, ეს მალე დამთავრდეს. იმიტირებული ორგაზმი მამაკაცის "შესაბმელადაც" გამოიყენება - ეს იქნება უტყუარი მტკიცებულება იმისა, რომ მამაკაცმა საქმეს თავი წარმატებით გაართვა.
შესაძლოა, ქალს იმ მომენტში სულაც არ სურდა სიახლოვე; შესაძლოა, რაღაც ვალდებულებების გამო დასთანხმდა; შესაძლოა, ბავშვი ავად ჰყავს და მის ხველას უნდა ყური მიუგდოს; შესაძლოა, რთული დღე, ღამე, ან კვირა ჰქონდა - მნიშვნელობა არ აქვს.
მთავარი ის არის, რომ ამ ყველაფრის შემდეგ ქალი სახლში კიდევ მეტ ვალდებულებას აწყდება - ის ხომ, უბრალოდ, ვალდებულია იყოს შეფ-მზარეული, კარგი დედა და ვნებიანი საყვარელი! არ იქნება და: მაპატიე, ძვირფასო, მაგრამ მე მეტი მინდა - გეტყვიან.
მიზეზი მეორე: არ უნდა, რომ აწყენინოს. ის ისეთი საყვარელი იყო, ისე მოინდომა - ყვავილები, რომანტიკული ვახშამი სანთლების შუქზე, ლამაზი სიტყვები. იმისი რა ბრალია, რომ მე დღეს ხასიათზე არ ვარ?! არა, უნდა დავაჯილდოვო ამ მონდომებისთვის!
მარტივად რომ ვთქვათ, ეს უსამართლობაა. როგორც ზოგიერთი ქალი ამტკიცებს, სამართლიანია: მან განასახიერა სითბო და ყურადღება, ის განასახიერებს - სექსის დაუცხრომელ სურვილსა და ვნებას... და ბარი-ბარში იქნებიან.
მესამე მიზეზი: ის, უბრალოდ, ფრიგიდულია! ქალმა ერთხელ სადღაც ყური მოჰკრა, რომ ჭეშმარიტად სექსუალურ ქალს დღედაღამ, გამუდმებით უნდა სურდეს სექსი და რომ ასეთი ქალი ყველასთვის სასურველია. იმისათვის, რომ თავადაც მოხვდეს სასურველსა და სექსუალურ ქალთა სიაში, ის გამუდმებით იმიტირებს ორგაზმს.
ამჩნევენ თუ არა მამაკაცები, რომ მათ ატყუებენ?
ყველა არა და არც ყოველთვის. საქმე ისაა, რომ ყოველი ორგაზმი და ყოველი ადამიანი - უნიკალურია. ეს ნიშნავს, რომ თქვენი დღევანდელი, რიგით ორასოცდამეათე ორგაზმი სხვა, წინამდებარეებისგან სრულიად განსხვავებულია, თავისი ფიზიოლოგიური გამოვლინებებითაც.
ბევრი მამაკაცი ქალის ორგაზმის დამადასტურებელ საბუთად ხან ქალის ყელის გაუკონტროლებელ სპაზმს, ხან სისველეს, ხან მკერდზე გაჩენილ წითელ ლაქებს (დიახ, ასეც ხდება) მიიჩნევს. ჰმ, ამას ეძახიან ისინი ორგაზმს? სულაც არა. ეს მხოლოდ და მხოლოდ აგზნებულობის ნიშნებია და მეტი არაფერი.
ვნებს თუ არა ქალს ორგაზმის იმიტაცია?
სამწუხაროდ, კი. ფიზიოლოგიურად - ქალისთვის აუცილებელია სექსუალური აქტივობა, ფსიქოლოგიურად - სიზარმაცის ჩვევა, გრძნობების დაფარვა, სურვილის დაქვეითება კარგს არაფერს მოიტანს. ხანგრძლივ და ჩვევაში გადასულ სიმულაციებს პარტნიორი, ადრე თუ გვიან, მიხვდება, ან ქვეცნობიერად იგრძნობს დისონანსს. ეს კი აუცილებლად ბზარს გააჩენს ურთიერთობებში.
ამიტომაც იქნებ სჯობდეს, რომ გულახდილები ვიყოთ? ყოველთვის, იმ შემთხვევაშიც კი, თუ სიმართლე მწარეა და სექსზე უარის თქმამ ვიღაცას შეიძლება უხერხულობა შეუქმნას.