მოდური წელის ჩანთები.
მინიმალისტური
იდეალურად ეხამება ან გრძელ ჯაკეტს ან თავისუფალ პერანგს. ტყავისა და ნატის მოდელები სპორტულ სტილთან არ ასოცირდება და სამოგზაურო ჩანთის იმიჯს ქმნის, ამიტომ, პიჯაკსაც მოუხდება. აგრეთვე, ყვავილებიან კაბას, რომელსაც დამატებით ბრუტალურობას შემატებს.
ანიმალისტური პრინტი
სეზონის ჰიტია ან პითონის პრინტი, ან ლეოპარდის. უხდება შავი ფერის total look-ს. თუ სამოსი მოწყენილი გეჩვენებათ, თეთრი ფერის ჯინსი, მაისური ან კედები შეარჩიეთ.
ფერადი
მოსაწყენი სამოსის გასაფერადებლადაა შექმნილი. იდეალური შეხამებაა - ნაცრისფერი სვიტშოტისა და ცისფერი ჯინსის დუეტი.
სპორტული
სპორტული ჩანთა მხოლოდ სირბილისას კი არა პიკნიკისა და მოგზაურობის დროსაც გჭირდებათ. თუმცა, თუ სპორტულ-მოდურ სამოსში გამოეწყობით, მას პაემანზეც წაიღებთ. უხდება სპორტულ მინი ქვედაბოლოს, პერანგს, ფერად კედებს ან ტყავის სანდლებს. შეგიძლიათ ერთფერიან ჩანთასთან ერთადაც დაიჭიროთ, რომანტიკული სეირნობის დროს.