ნატალია ყიფშიძემ სკოლა დაამთავრა და ახლახან ბანკეტიც ჰქონდა.
გოგონა "ინსტაგრამზე" საკმაოდ აქტიურია და სიახლეებს ხშირად გვთავაზობს. ბევრი აღნიშნავს, რომ რაც დრო გადის დედას სულ უფრო მეტად ემსგავსება. ფაქტია, რომ ნატალიას გამორჩეული ჩაცმის სტილი და გემოვნება აქვს, რაც მის გამომწერებს ძალიან მოსწონთ.
ბანკეტზე ნატალიას ულამაზესი, გრძელი, ეფექტური კაბა ეცვა, რომელიც დიზაინერ დათუნა სულიკაშვილის მიერაა შექმნილი.
არანაკლები მოწონება დაიმსახურა მისმა მაკიაჟმა, რომელიც რუჯის შესაბამის ფერებში იყო გადაწყვეტილი.
აღსანიშნავია, რომ დათუნა სულიკაშვილთან დედა-შვილს მრავალი წლის მეგობრობა აკავშირებს, რაც ამ ფოტოზეც კარგად ჩანს.
კრისტი და ნატალია "ინსტაგრამზე" ისეთ ლაივებსაც რთავენ, სადაც მათ გამომწერებს საშუალება ეძლევათ ორივეს დაუსვან კითხვები. ადრე ერთ-ერთ ასეთ ლაივს მოჰყვა კითხვა, თუ როგორი ხასიათი აქვს ნატალიას. რაზეც მოდელმა უპასუხა, რომ მისი შვილი საკმაოდ ჯიუტია და ამ მხრივ არ ჰგავს, თუმცა დააყოლა ისიც, რომ ნატალია უზომოდ ჭკვიანი, გაწონასწორებული გოგოა და ყოველთვის იცის როგორ მოიქცეს.
ამ ვიდეომ გამომწერები გაახალისა და პოზიტიური კომენტარებიც არ დაიშურეს. მასალა 2005 წელსაა გადაღებული და ჩანს როგორი ხალისიანი ბავშვი იყო ნატალია.
გადავხედოთ მშვენიერი ნატალიას ახალ ფოტოებს.