დიეტა „2 საათის შემდეგ“ - საკვების შეზღუდვის გარეშე - Marao

გაგიგიათ დიეტის შესახებ „2 საათის შემდეგ?“
ეს არის სპეციალურად ორიენტირებული კვების სისტემა, რომელიც სტერეოტიპებს არღვევს, ვინაიდან აგებულია იმაზე კი არა, რამდენად შეზღუდოთ საკვები, არამედ პირიქით, საკმაოდ ბევრ ულუფას ითვალისწინებს დღის განმავლობაში.

სისტემა მარტივია: უნდა იკვებოთ ყოველი 2 საათის გასვლის შემდეგ. სხვაგვარად მას დიასახლისების დიეტაც ეწოდება. მისი დაცვა მარტივი და სასიამოვნოა ყველაზე დაკავებული ადამიანებისთვისაც კი. ასეთი კვების სტილით 60 დღის განმავლობაში 15-20 კგ-ს დაემშვიდობებით.

დიეტის ძირითადი პრინციპები:

ამ დიეტის უპირატესობა ის არის, რომ კვების სისტემა გვთავაზობს საკვების ხშირად მიღებას. იმისათვის, რომ წონას სწრაფად დაემშვიდობოთ, ერთი ოქროს წესი უნდა დაიმახსოვროთ: მიირთვით ყოველ 2 საათში ერთხელ, ოღონდ რა თქმა უნდა, მცირე ულუფებით.

რაში მდგომარეობს საიდუმლო? დიეტოლოგები ამტკიცებენ, რომ ორგანიზმი წყვეტს ცხიმებით ორგანიზმის შევსებას, თუკი თქვენ რეგულარულად აწვდით აუცილებელ საკვებ საშუალებებს. ფაქტობრივად, ეს არის მკაცრი დიეტების სრულიად საწინააღმდეგო დიეტა.

როგორ მუშაობს ეს? 2 საათში ერთხელ შეგიძლიათ მხოლოდ ერთი პროდუქტი მიირთვათ. ჭიქა ყავაც კი დაშვებულია, თუმცა დამატებით არაფერი შეურიოთ.

დიეტის მენიუ - „2 საათის შემდეგ“

• დილას გაღვიძებისთანავე მიირთვით პატარა შაქრის ნატეხი. ერთი საათის შემდეგ შეგიძლიათ ერთი ნაჭერი პური მიირთვათ.
• 2 საათის შემდეგ მიირთვით ბუტერბროდი ნაღებით, ყველითა და პომიდვრით.
• შემდეგი საკვების მიღების რაციონი ბანანითა და ვაშლით შემოიფარგლება.
• შემდგომ კი გამომცხვარი კარტოფილი ხორცის ნაჭერთან ან თევზთან ერთად მიირთვით.

შემდეგი ეტაპი - დროა, ტკბილეულით ჩაიტკბარუნოთ პირი (რა თქმა უნდა, შავი შოკოლადი იგულისხმება). კიდევ 2 საათში შეგიძლიათ 200 მლ სითხე და შემდგომ - მჟავე ხილი მიირთვათ.

ასეთი კვების რეჟიმი დამატებით ჩანთასა და კონტეინერებს მოითხოვს, თუმცა ღირს, დამეთანხმებით. არ დაგავიწყდეთ წყლის დალევა, ის დაშვებულია ნებისმიერი რაოდენობითა და ნებისმიერ დროს.

წყარო:sovkusom