რამდენიმე დღის წინ ცნობილი გახდა, რომ მოდელი მირანდა კერი და მისი მეუღლე ევან შპიგელი კიდევ გახდნენ მშობლები. წყვილისთვის ეს მეორე საერთო შვილია, მირანდასთვის კი - მესამე. პირველი ვაჟი, ფლინი მას ორლანდო ბლუმისგან ჰყავს, რომელთანაც ქორწინებაში იმყოფებოდა.
ახალშობილს სახელად მაილზი დაარქვეს. მირანდამ "ინსტაგრამში" ფოტო გამოაქვეყნა. "ჩვენ ძალიან გვიხარია მაილზის დაბადება. ამიტომ, ძალიან ვაფასებთ თქვენს კეთილ სიტყვებს და სურვილებს ამ განსაკუთრებულ დროს. ჩვენ ბედნიერები ვართ, რომ ჩვენს ოჯახს არაჩვეულებრივი ბიჭუნა შეემატა".
ევანის და მირანდას მეორე ვაჟი, ჰარტი ერთი წლისაა, ხოლო ფლინი - 8-ის.