ცნობილი მოდელი და ტელეწამყვანი სალომე ღვინიაშვილი სოციალურ ქსელში აქტიურობით გამოირჩევა. ის ხშირად აქვეყნებს როგორც პირად, ისე ოჯახურ კადრებს და გამომწერებს სასარგებლო რჩევებსაც უზიარებს.

განსაკუთრებულ ყურადღებას იმსახურებს სალომეს ოჯახი და პირადი ცხოვრება. მოდელმა წლების წინ ფეხბურთელ ზურა ხიზანიშვილზე იქორწინა. მათ ორი შვილი, ნიტა და ტასო ჰყავთ, თუმცა ეს სალომესთვის მეორე ქორწინებაა. მას პირველად ურთიერთობა ტატო აბულაძესთან ჰქონდა, რომელზეც ადრეულ ასაკში იქორწინა. წყვილის ურთიერთობა სამ წელს გაგრძელდა და მათ საერთო შვილი, დათუნა შეეძინათ.

ამჯერად სალომე ღვინიაშვილი სწორედ დათუნა აბულაძის ფოტოს აქვეყნებს: „დისტანციური სიყვარული“ - წერს ის. „17 წლის ვიყავი, როცა დათუნა დაიბადა, ერთი წლით პატარა, ვიდრე თვითონ არის დღეს. ყველაფრით დავიმსგავსე. ალბათ, ამიტომაც ვუგებთ ყველაზე კარგად ერთმანეთს“ - წერდა მოდელი სოციალურ ქსელში.