„უეცრად ქარიშხალი ამოვარდა და იძულებულნი გავხდით, თვითმფრინავი ავარიულად დაშვებულიყო...“ - ცნობილი ამერიკელი მუსიკოსი მაილი საირუსი უბედური შემთხვევის შესახებ წერს - Marao

ამერიკელი მომღერლის, მაილი საირუსის პირადი თვითმფრინავი იძულებული გახდა, ავარიული დაშვება განეხორციელებინა მას შემდეგ, რაც სხეულზე მცირე დაზიანებები მიიღო.

საირუსს თან ახლდა მისი ჯგუფის რამდენიმე წევრი, ასევე, მეგობრები და ოჯახი, რომლებიც მასთან ერთად მოგზაურობდნენ პარაგვაიში.

"ჩემს თაყვანისმცემლებს და ყველას, ვინც ნერვიულობს ჩემი ფრენის შესახებ, ჩვენი თვითმფრინავი მოულოდნელმა ქარიშხალმა მოიცვა. ჩვენი ეკიპაჟი, ჯგუფი, მეგობრები და ოჯახი უსაფრთხოდ არიან. სამწუხაროდ, პარაგვაიში გაფრენა ვერ მოვახერხეთ“ - დაწერა მომღერალმა სოციალურ ქსელში.

საირუსმა გადაიღო ვიდეო, სადაც მისი მეგობრები და ოჯახის წევრები ჩანდნენ ქარიშხლის ფონზე. პოპულარული მომღერალი ამჟამად Mileyworld-ის ტურნეზე იმყოფება და მისი ბოლო კონცერტი ბრაზილიაში, სან-პაულოში, ცნობილი Lollapalooza ფესტივალის ფარგლებში გაიმართება.

"მადლობა ღმერთს, რომ ყველანი უსაფრთხოდ ხართ", - წერს კომენტარებში მოდის ბრენდის, Moschino-ს კრეატიული დირექტორი ჯერემი სკოტი.