"ერთი წამით არ დაგვიტოვებია ერთმანეთი, გინდა სცენაზე, გინდა ადამიანობაში, მეგობრობაში, ძმაკაცობაში" - გოგა ბარბაქაძე მსახიობ ნიკა ქაცარიძეს იხსენებს - Marao
"ერთი წამით არ დაგვიტოვებია ერთმანეთი, გინდა სცენაზე, გინდა ადამიანობაში, მეგობრობაში, ძმაკაცობაში" - გოგა ბარბაქაძე მსახიობ ნიკა ქაცარიძეს იხსენებს
მსახიობმა გოგა ბარბაქაძემ ცოტა ხნის წინ გარდაცვლილი ნიკა ქაცარიძე კიდევ ერთხელ გაიხსენა და აღნიშნა, რომ მათ ერთმანეთის მიმართ განსაკუთრებული დამოკიდებულება ჰქონდათ:
“ჩემი უახლოესი ადამიანი დავკარგე, ნიკა ქაცარიძე, რომელთან ერთადაც 21 წელი ვიყავი. ერთი წამით არ დაგვიტოვებია ერთმანეთი, გინდა სცენაზე, გინდა ადამიანობაში, მეგობრობაში, ძმაკაცობაში. დიდი ხანია მე ასე არ მწყენია, არ მტკენია, ამან თავისი დაღი დამიტოვა, ეს არ გაივლის არასოდეს. ერთადერთი, საგრიმიოროში არ შევდიოდით ხოლმე ერთად, მართლა მეტისმეტი იქნებოდა, საგრიმიოროში არ შეიძლებოდა ჩვენი ერთად ყოფნა, ისედაც ვუშლიდით ერთმანეთს. ახლაც რომ შევდივარ, ერთ სართულზე ვიყავით, გვერდით ოთახია, იქ რომ გამოვივლი, მახსენდება, რომ ქვემოთ შუქი ყოველთვის ანათებდა ხოლმე. ამით ვხვდებოდი, რომ ნიკა იქ იყო. ახლაც ინსტინქტურად ვიხედები ხოლმე, მაგრამ ახლა იქ სულ ბნელა. ვერც ამოვხსენი, ეს რატომ მოხდა. იმდენად დადებითი ადამიანი იყო, სიცოცხლის მოყვარული, მეუღლის, შვილის, დედის, ძმაკაცების”, – ამბობს ბარბაქაძე გადაცემაში “სხვა კითხვები ნიკოლოზისგან”.
