პრინც ჩარლზს პრინცესა დაიანას მკვლელობაში ადანაშაულებენ - ნახეთ, რას ამბობს ყოფილი პოლიციელი - Marao
პრინც ჩარლზს პრინცესა დაიანას მკვლელობაში ადანაშაულებენ - ნახეთ, რას ამბობს ყოფილი პოლიციელი
ყოფილმა პოლიციელმა ლეგენდარული ლედი დის საქმის შესახებ რამდენიმე დეტალი გააზიარა. გავრცელებული ინფორმაციით, პრინცესას სიცოცხლეშივე ჰქონდა ეჭვი, რომ ყოფილ ქმარს მისი სიკვდილი სურდა.
პრინცესა დაიანას გარდაცვალება 1997 წელს იყო ერთ-ერთი ყველაზე გახმაურებული დანაკარგი, რომელსაც მსოფლიო ჯერ კიდევ განიცდის და განიხილავს. ლედი დის გარდაცვალების შემდეგ სამეფო ოჯახის ყველაზე ერთგული გულშემატკივრებიც კი სამუდამოდ იმედგაცრუებულნი იყვნენ და მონარქებს მკვლელებს უწოდებდნენ.
ბევრი ადამიანი დარწმუნებულია, რომ ტრაგედია შემთხვევით არ მომხდარა. მრავალი წლის წინ უინძორების გულშემატკივრები ეჭვობდნენ, რომ ავარია წინასწარ იყო დაგეგმილი.
ცოტა ხნის წინ პრინცესა დაიანას საქმის ზოგიერთი ახალი დეტალი გამოჩნდა. მოგეხსენებათ, პრინცესა საქველმოქმედო და სამშვიდობო საქმიანობით იყო დაკავებული. 1997 წელს დაიანამ წამოიწყო ფართომასშტაბიანი კამპანია ქვეითსაწინააღმდეგო ნაღმების წარმოებისა და გამოყენების აკრძალვის მიზნით, რადგან ამის გამო ხალხი გამუდმებით ზარალდებოდა. პრინცესას ენთუზიაზმი მწვავედ გააკრიტიკეს კონსერვატორებმა და ხელისუფლების წარმომადგენლებმა. იმავე წლის აგვისტოში დაიანამ მისცა ინტერვიუ, რომელშიც გამოხატა უკმაყოფილება მომხდარის გამო და გამოთქვა იმედი, რომ ახალი ხელისუფლება შეძლებდა სიტუაციის უკეთესობისკენ შეცვლას...
საშინელი ტრაგედიის შემდეგ პოლიციამ დაკითხვაზე გარდაცვლილის ყოფილი მეუღლე - ჩარლზი გამოიძახა. ფაქტია, რომ უელსის პრინცი ყოფილი ცოლის მკვლელობის დაგეგმვასა და უშუალო მონაწილეობაში იყო ეჭვმიტანილი, თუმცა დეტექტივებთან შეხვედრაზე მონარქი მოწმის სახით გამოჩნდა.
ლორდ სტივენსმა, რომელიც გამოძიებას ხელმძღვანელობდა, პრესას განუცხადა, რომ მან გულდასმით შეაგროვა მტკიცებულებები დაიანას საქმეში. კერძოდ, მას ხელში ეჭირა წერილი, რომელიც სავარაუდოდ თავად გარდაცვლილის მიერ იყო დაწერილი. ჩანაწერი დაიწერა მის გარდაცვალებამდე ორი წლით ადრე, 1995 წლის ოქტომბერში. პრინცესამ ის დატოვა საკუჭნაოში, კენსინგტონის სასახლის ტერიტორიაზე. წერილში მან აღნიშნა, რომ მისი ქმარი ავარიის დაგეგმვას აპირებდა. კერძოდ, დარწმუნებული იყო, რომ მოკვდებოდა მუხრუჭებისა და თავის ტრავმის გამო.
დეტექტივი ირწმუნება, რომ თავდამსხმელმა ისარგებლა პრინცესას დაუცველობით და მისი უსაფრთხოების მიმართ პარანოიდული დამოკიდებულების პროვოცირება მოახდინა.
ცნობილია, რომ პრინცესა დაიანას საქმეზე საიდუმლო დოკუმენტი დღემდე ინახება დედოფალ ელიზაბეტის მთავრობის ოფიციალურ არქივში. ის 2038 წელს გასაჯაროვდება.
