როდესაც ქალის სხეული იწყებს დაბერებას, ის დღეში გაცილებით ნაკლებ კალორიას წვავს, ვიდრე ახალგაზრდობაში. 40 წლის შემდეგ, წონის დაკლება მოითხოვს მიდგომას, რომელიც მოზარდებისა და ახალგაზრდების წონის დაკლების გზებისგან ბევრად განსხვავებულია.
თუმცა რამდენიმე რჩევის გათვალისწინებით, 40 წლის ასაკშიც ქალისთვის სასურველი წონის შენარჩუნება შესაძლებელი გახდება.
- აირჩიეთ ისეთი აქტივობები, რომელიც გულ-სისხლძარღვთა სისტემის ჯანმრთელობისთვის მნიშვნელოვანია. ეს შეიძლება იყოს სირბილი, ცურვა, ველოსიპედით სიარული, ცეკვა, სარბენ ბილიკზე ვარჯიში ან ნებისმიერი სხვა ვარჯიში, რომელიც გულს გაგიმაგრებთ.
- ვარჯიშის დაწყებამდე, მსუბუქ ან ზომიერ რეჟიმში მინიმუმ 5 წუთის განმავლობაში ივარჯიშეთ. ორგანიზმის გახურება ზრდის სხეულის ტემპერატურას და კალორიების წვას აჩქარებს.
- კვირაში სამჯერ გააკეთეთ სავარჯიშოები სიმძიმის დაჭერით. გამოიყენეთ ჰანტელები ძალისმიერი ვარჯიშების შესასრულებლად, კუნთების მცირე მასა გაზრდის მეტაბოლიზმს, რაც თქვენს სხეულს საშუალებას მისცემს დაწვას მეტი კალორია, ვიდრე დასვენების დროს და გეხმარებათ ზედმეტი კილოგრამებისგან თავის დაღწევაში.
- კარდიო ვარჯიში. კარდიო ვარჯიშის დროს ორგანიზმი იყენებს ენერგიის რეზერვებს, ზრდის მეტაბოლიზმის სიჩქარეს. გარდა ამისა, ვარჯიშის შემდეგ სხეული დაწვავს მეტ კალორიას მთელი დღის განმავლობაში.
- დარჩენილი სამი დღეში გააკეთეთ ინტერვალური ვარჯიში. ინტერვალური ვარჯიში შედგება ხანმოკლე ინტენსიური აქტივობის მონაცვლეობით დასვენებასთან. მაგალითად, ირბინეთ რაც შეიძლება სწრაფად ერთი წუთის განმავლობაში, შემდეგ ორი წუთით შეისვენეთ. გაიმეორეთ ეს მონაცვლეობით 20 წუთის განმავლობაში.
- გადახედეთ თქვენს დიეტას. წონის შესამცირებლად, დღეში 100-ზე მეტი კალორიის მოცილება დაგჭირდებათ თქვენი რაციონიდან. დიეტაში შეიტანეთ მარცვლეული, უცხიმო რძის პროდუქტები და შეეცადეთ აირჩიოთ რაც შეიძლება დაბალკალორიული საკვები.