კლინიკურად დაბალი წონა ნიშნავს, რომ თქვენი სხეული რაიმე მიზეზით არ იღებს საკმარის საკვებ ნივთიერებებს, რასაც გარკვეული ჯანმრთელობის პრობლემები მოჰყვება.
1. ნაადრევი სიკვდილიანობის გაზრდილი რისკი
თუ ნაკლები წონა გაქვთ, ამ შემთხვევაში ადრეული სიკვდილის რისკი უფრო მაღალია. პრობლემები ექმნება თქვენს გულ-სისხლძარღვთა და კუნთოვან სისტემას, ასევე, შინაგან ორგანოებს.
2. იმუნური პრობლემები
ყველა სახის ინფექციასთან საბრძოლველად ორგანიზმს სჭირდება ენერგია. კვების დეფიციტით ეს ენერგია არ იარსებებს. ამიტომ, ზედმეტად გამხდარი ადამიანები უფრო ხშირად ავადდებიან, ხოლო საერთო დაავადებები - იგივე გაციება - უფრო დიდხანს გრძელდება.
3. ძვლის სისუსტე
ნაკლები წონის მქონე ადამიანებში ძვლის სიმკვრივე მცირდება. შედეგად, ძვლები უფრო მტვრევადი ხდება, რაც ზრდის მოტეხილობების და ოსტეოპოროზის რისკს.
4. კანის, თმის და კბილების ცუდი მდგომარეობა
თუ ადამიანი არასწორად იკვებება, კანი ხდება უფრო ფოროვანი, ფერმკრთალდება და სწრაფად ბერდება, თმა ანელებს ზრდას ან საერთოდ ცვივა. ასევე მნიშვნელოვნად იზრდება კბილების დაკარგვის რისკი.
5. მუდმივი დაღლილობა
აქ ასევე საუბარია საკვები ნივთიერებებისგან მიღებული ენერგიის ნაკლებობაზე.
6. ბავშვის ჩასახვის სირთულეები
წონის ნაკლებობის მქონე ქალებისთვისაც და მამაკაცებისთვისაც უფრო რთულია მშობლები გახდნენ, ვიდრე მათთვის, ვისაც ეს მაჩვენებელი ნორმაში აქვს. მეცნიერები ვარაუდობენ, რომ ზედმეტად გამხდარი მამაკაცებისთვის პარტნიორის პოვნა უფრო რთულია. ზედმეტად გამხდარ ქალებს სხვა პრობლემები აქვთ. მაგალითად, არარეგულარული მენსტრუალური ციკლი, რომელიც ზედმეტ სიგამხდრესთანაა დაკავშირებული.
7. სიბერეში დემენციის განვითარების რისკი
დემენციის განვითარების რისკი იმ ადამიანებში, რომლებსაც დაბალი წონა აქვთ, 34%-ით მეტია, ვიდრე ნორმალური წონის მქონე ადამიანებში.
რა იწვევს წონის ნაკლებობას?
ძირითადად, სამი მიზეზი არსებობს:
1. თქვენ არ იღებთ საკმარის კალორიებს და საკვებ ნივთიერებებს. ეს ხშირად გვხვდება იმ ადამიანებში, რომლებიც მკაცრ დიეტაზე არიან ან აწუხებთ კვების დარღვევა -ანორექსია და ბულიმია.
2. ორგანიზმი ვერ ითვისებს საჭირო საკვებ ნივთიერებებს. ეს ხდება სხვადასხვა საჭმლის მომნელებელი დარღვევის დროს. მაგალითად, ფერმენტების ნაკლებობის ან შაქრიანი დიაბეტის დროს.
3. თქვენი სხეული იღებს და შთანთქავს საკვებ ნივთიერებებს, მაგრამ რაღაც ჭამს ამ რესურსებს, სანამ ისინი ორგანოებსა და ქსოვილებს მიაღწევენ. ეს შეიძლება იყოს შედარებით უვნებელი ფაქტორი – მაგალითად, ძალიან აქტიურ ცხოვრების წესს ეწევით ან ბევრს ვარჯიშობთ და საკვებიდან მიღებული კალორიები ფიზიკურ აქტივობაზე გადადის. მაგრამ არსებობს ასევე საშიში ფაქტორებიც:
როგორ მოიმატოთ წონა სწრაფად და უსაფრთხოდ
პირველ რიგში, გაარკვიეთ, რამ გამოიწვია კილოგრამების დაკლება. თუ ეს არის ანორექსია, საჭმლის მონელების დარღვევები ან, მაგალითად, იგივე ჰიპერთირეოზი, მარტივი მეთოდები არ გამოდგება: სხეულის წონა ნორმალურად არ დაბრუნდება, სანამ არ მოიშორებთ ძირითად დაავადებას.
მაგრამ თუ ჯანმრთელი ხართ და მხოლოდ წონის მომატება გსურთ, გაითვალისწინეთ ცნობილი კვლევითი ცენტრის, Mayo Clinic-ის ექსპერტების რჩევა.
1. ჭამე უფრო ხშირად
წონის მოსამატებლად ორგანიზმს დამატებითი კალორია სჭირდება.
მაგრამ არის პრობლემა: წონის ნაკლებობის მქონე ადამიანები, როგორც წესი, უფრო სწრაფად ივსებიან. თუ თქვენ მიჩვეული ხართ ჭამას სამ კომპლექტში (საუზმე, სადილი და ვახშამი), მაშინაც კი, თუ საკუთარ თავს გიგანტურ პორციებს დააძალებთ, უბრალოდ ვერ შეძლებთ მათ ჭამას, რაც ნიშნავს, რომ თქვენ არ იღებთ საკმარის კალორიებს.
ამის თავიდან ასაცილებლად დიეტოლოგები უფრო ხშირად ჭამას გვირჩევენ. 5-6 მცირე პორცია დღის განმავლობაში უკეთესია წონის მატების თვალსაზრისით.
2. არ დალიოთ ჭამის წინ
ჭამის წინ წყლის დალევა მადას აქრობს. ამიტომ შეეცადეთ არ დალიოთ ჭამამდე ნახევარი საათით ადრე მაინც.
თუ გწყურიათ, აირჩიეთ მაღალკალორიული სასმელები: რძე, ტკბილი ხილის სასმელები, სმუზი…
3. აირჩიეთ ნუტრიენტებით მდიდარი საკვები
აი, რა შეიძლება იყოს ჯანსაღი დიეტის საფუძველი:
• ხორბლის პური;
• ხორბლის მაკარონი შეზავებული კრემის სოუსით ან კარაქით;
• შვრიის ფაფა რძით;
• ხაჭო, იოგურტი და სხვა რძის პროდუქტები;
• ხილი;
• ყველა სახის თხილი.
4. დაამატეთ დამატებითი კალორიები თქვენს კვებას
მაგალითად, გახეხილი ყველი და ათქვეფილი კვერცხი. თხილის ან ჩირის შეკვრა თან უნდა იქონიოთ მთელი დღის განმავლობაში. ძილის წინ დიეტოლოგები გირჩევენ მიირთვათ სენდვიჩი არაქისის კარაქით, ყველით და ავოკადოთი. უარი არ თქვათ ტკბილეულზე.
ივარჯიშეთ. სხვადასხვა ვარჯიში ზრდის მძიმე კუნთოვანი ქსოვილის მოცულობას.
ხარისხიანი, ჯანსაღი ძილი ასევე ძალზე მნიშვნელოვანია კუნთების ზრდისთვის. თუ გსურთ კუნთების მასის გაზრდა - დღეში მინიმუმ რვა საათი უნდა გეძინოთ.
რაც ყველაზე მთავარია, თავი დაანებეთ მოწევას. ის აჩქარებს მეტაბოლიზმს და იწვევს წონაში დაკლებას. ამ ჩვევის მიტოვება კი, პირიქით, მასის მომატებას უწყობს ხელს.