კვლევების მიხედვით, რაციონში დახვეწილი ნახშირწყლების ჭარბი რაოდენობა იწვევს მუცლის ცხიმს, ხოლო შემწვარ საკვებს შეუძლია კანის დაბერება.

მაგრამ ადვილი არ არის საყვარელ კერძზე უარის თქმა, ამიტომ ბალანსი ძალიან მნიშვნელოვანია – თუ შაქარსა და თეთრ პურზე უარის თქმა არ შეგიძლიათ, მაშინ უნდა იცოდეთ როგორ აანაზღაუროთ მათ მიერ გამოწვეული ზიანი. დღეს გეტყვით, რა სასმელები უნდა დალიოთ ყოველდღიურად, თუ გსურთ გამოიყურებოდეთ ახალგაზრდულად და ჯანსაღად.

ქლოროფილის წყალი

თხევადი ქლოროფილი არის ქლოროფილის პიგმენტის ექსტრაქტი, რომელიც მცენარეებს აძლევს მწვანე ფერს. მისი მიღება შესაძლებელია მუქი ფოთლოვანი მწვანილის ან ხორბლის ბალახის წვენის გამოწურვით. მაგრამ არსებობს უფრო მარტივი გზა - ქლოროფილი თხევადი ან ფხვნილის სახით იყიდება აფთიაქებში.

ქლოროფილიანი წყალი არის მარტივი გზა დეტოქსიკაციისთვის, კანის სიჯანსაღის შესანარჩუნებლად და ორგანიზმის ანტიოქსიდანტებით უზრუნველყოფისთვის, ის ასევე ეხმარება სისხლის წითელ უჯრედებს მეტი ჟანგბადის გადატანაში, რაც ნიშნავს საკვები ნივთიერებების უკეთეს შეწოვას, რაც, თავის მხრივ, ხელს უწყობს წონის დაკლებას.

კომბუჩა

როგორც დიეტოლოგი ჰეილი მილერი განმარტავს, კომბუჩას საიდუმლო არის დუღილი, რომელიც წარმოქმნის პრობიოტიკებს, ინარჩუნებენ ნაწლავის მიკრობიომს კარგ მდგომარეობაში.

სამეცნიერო ანგარიშებში გამოქვეყნებულმა 2019 წლის კვლევამ აჩვენა, რომ ნაწლავის მრავალფეროვანი მიკრობიომი ასოცირდება ნაკლებ ვისცერალურ ცხიმთან - იგივე ცხიმი, რომელიც ზის მუცლის ღრუს ორგანოებთან და ანგრევს არა მხოლოდ წელის ხაზს, არამედ ჯანმრთელობას.

მწვანე ჩაი

2012 წელს ჩინელ მეცნიერთა ჯგუფმა ჩაატარა კვლევა, რომელშიც 104 ადამიანი მონაწილეობდა. ზოგიერთი სუბიექტი ყოველდღიურად სვამდა მწვანე ჩაის 12 კვირის განმავლობაში, საკონტროლო ჯგუფი - არა. კვლევის ბოლოს გაირკვა, რომ მათ ორგანიზმში, ვინც სვამდა სასმელს, ვისცერული ცხიმი და სხეულის წონა მცირდებოდა.