ჯეინ ოსტინის ნაკლებად ცნობილი რომანები - მივიწყებული საგანძური - Marao

გამოჩენილმა ინგლისელმა მწერალმა ჯეინ ოსტინმა წარუშლელი კვალი დატოვა ლიტერატურის ისტორიაში. ის სიტყვის ხელოვნებისა და ადამიანის ბუნების შეცნობის სიმბოლოდ იქცა. მისი შემოქმედებიდან ყველაზე ცნობილი რომანებია: „სიამაყე და ცრურწმენა“, „გრძნობა და გონება“ და „ემა“, რომლებიც მსოფლიო ლიტერატურის კლასიკად იქცა და დღესაც პოპულარულია. თუმცა ჯეინ ოსტინის სხვა ნამუშევრები, როგორებიცაა „სანდიტონი“, „გონების ხმა“ და „მენსფილდ-პარკი“, ბევრი მკითხველისთვის ნაკლებად ცნობილია. 

ამ ბლოგში ვისაუბრებ ოსტინის ლიტერატურული მემკვიდრეობის ამ მივიწყებულ საგანძურზე. 

• სანდიტონი 

„სანდიტონი“ ჯეინ ოსტინის ბოლო რომანია, რომლის წერა მან სიკვდილამდე რამდენიმე თვით ადრე, 1817 წელს დაიწყო. ამ ნამუშევარზე მუშაობისას მან თავისი დამახასიათებელი დაკვირვებულობა და იუმორი  გამოავლინა და მე-19 საუკუნის დასაწყისის საზოგადოების შესანიშნავი იმიჯი შექმნა.

რომანი მოგვითხრობს პატარა საკურორტო ქალაქ სანდიტონზე, რომელიც ჩამოყალიბების პროცესშია. მთავარი გმირი შარლოტა ჰევილენდი, სიცოცხლისუნარიანობითა და ოპტიმიზმით სავსე ახალგაზრდა ქალი, ჩადის სანდიტონში და ამ ადგილის საზოგადოების ცხოვრების დამკვირვებელი ხდება. იგი ხვდება ქალაქის სხვადასხვა მცხოვრებს, რომელთაგან თითოეული გარკვეული სოციალური ფენის თვალსაჩინო წარმომადგენელია.

სამწუხაროდ, ჯეინ ოსტინმა რომანი ვერ  დაასრულა და ის ფრაგმენტულ ნაწარმოებად დარჩა. მიუხედავად ამისა, დაუმთავრებელი „სანდიტონი“ ძალიან საინტერესო ნამუშევარია, რომელიც ასახავს მწერლის ოსტატობას და მის უნარს, შექმნას უნიკალური და თვალწარმტაცი პერსონაჟები.

• მენსფილდ-პარკი 

„მენსფილდ პარკი" ჯეინ ოსტინის ერთ-ერთი დიდი რომანია, რომელიც 1814 წელს გამოიცა. მთავარი გმირი ფანი პრაისი მოკრძალებული და შეუმჩნეველი გოგონაა, რომელსაც ახლობლები ეპატიჟებიან საცხოვრებლად მენსფილდ პარკის მამულში.

მენსფილდ პარკში ფანი აღმოჩნდება მდიდარი და კეთილშობილური საზოგადოების გარემოცვაში, სადაც მისი ნათესავები ფუფუნებაში ცხოვრობენ და თავად იძულებულია, თავი მეორეხარისხოვნად იგრძნოს. რომანი მოგვითხრობს მის პირად ისტორიაზე, განვითარებაზე, სიკეთესა და სიბრძნეზე, რაც საშუალებას აძლევს ფანის, გადალახოს სირთულეები და იპოვოს თავისი ადგილი საზოგადოებაში.

„მენსფილდ პარკი“ ღირსების, სამართლიანობისა და თვითგამორკვევის ნაწარმოებია. ეს რომანი ასევე ასახავს მწვავე მორალიზაციულ და დახვეწილ იუმორს, რაც ჯეინ ოსტინის სტილს უნიკალურს და განუმეორებელს ხდის.

• გონების ხმა 

რა ხდება, როცა მამა შვილებს ერთმანეთისგან განასხვავებს? ერთ ქალიშვილს აღმერთებს, ხოლო მეორეს უგულებელყოფს? რა ხდება, როცა დედას სიკვდილის შემდეგ დიასახლისობა უფროს ქალიშვილს ერგება, ის კი მამის გამფლანგველობას წაახალისებს და უმცროს დაზე მბრძანებლობს? რა ხდება, როცა ენ ელიოტი ხარ და, მიუხედავად იმისა, რომ თავდავიწყებით გიყვარდება ფრედერიკ უენტუორთი, იძულებული ხარ, გონების ხმას მოუსმინო და უარი თქვა შენს რჩეულზე? და რა მოხდება, თუ სიყვარული დროს გაუძლებს და ყველა მიიღებს იმას, რაც დაიმსახურა?

21 აგვისტოდან თქვენს ბიბლიოთეკას ინგლისური ლიტერატურის თვალსაჩინო წარმომადგენლის - ჯეინ ოსტინის ორტომეულის მეორე ტომი შეემატება! პირველ ტომში შედის ავტორის გამორჩეული, კლასიკად ქცეული ორი რომანი: "ამპარტავნება და ამოჩემება" და "გონება და გრძნობა". ხოლო მეორეში - „სანდიტონი“, „გონების ხმა“ და „მენსფილდ-პარკი“.

გამოსვლიდან ერთი კვირის განმავლობაში, წიგნის შეძენას სპეციალურ ფასად - 16 ლარად შეძლებთ.  წიგნის შეძენა შეგეძლებათ "ბიბლუსის" მაღაზიათა ქსელში ან პრესის გამავრცელებელ ჯიხურებში. 

ასევე, შესაძლებლობა გაქვთ, გახდეთ სერიის გამომწერი. ამისთვის დაგვიკავშირდით 032 2 47 00 45 ან ეწვიეთ ვებგვერდს: https://www.palitral.ge/product/5478/jein-ostini

R