პარკინსონის დაავადება არის ტვინის დეგენერაციული დაავადება, რომლის პრევენცია ან სრულად განკურნება, სამწუხაროდ, შეუძლებელია. თუმცა მას აქვს განვითარების მკაფიო ეტაპები, რომლის მიხედვითაც პაციენტის მდგომარეობა მკვეთრად იცვლება.

პირობითად, დაავადების პროგრესირება შეიძლება დაიყოს 5 ეტაპად. თუ თქვენ შეძლებთ მის შემჩნევას ადრეულ ეტაპზე, მაშინ არის შანსი გააუმჯობესოთ პაციენტის ცხოვრების ხარისხი.

სირთულე იმაში მდგომარეობს, რომ ადამიანები იშვიათად აღიქვამენ დაავადების პირველ ნიშნებს. ექიმები ამ ერთი შეხედვით უმნიშვნელო სიმპტომებს შორის ასახელებენ ხელნაწერის ცვლილებას. თუ შეამჩნევთ, რომ ახლობელმა პატარა ასოების წერა დაიწყო, ეს კარგი მიზეზია იმისა, რომ ნევროლოგთან შეხვედრა დანიშნოთ. 

სამედიცინო ენაზე ხელწერის ასეთ ცვლილებას მიკროგრაფია ეწოდება. როგორც წესი, სიმპტომი მიუთითებს ცენტრალური ნერვული სისტემის ფუნქციონირების დარღვევაზე, რაც დამახასიათებელია პარკინსონის დაავადებისთვის. ასეთ შემთხვევებში უმჯობესია, რაც შეიძლება მალე მიმართოთ სამედიცინო დახმარებას, რადგან ადრეულ სტადიაზე დაავადების კონტროლი ჯერ კიდევ შესაძლებელია.