„მე ვარ ლიზი, 19 წლის, საქართველოდან. ამჟამად ვცხოვრობ ჰაიდელბერგში. გერმანიაში სასწავლებლად ჩამოვედი. ჩემი აქ მოხვედრა დიდი ხნის ოცნება იყო" - ასე წარსდგა ახლაგაზრდა ქართველი მომღერალი გერმანული Voice-ის ჟიურის წინაშე. ლიზიმ მაიკლ ჯექსონის ერთ-ერთი ყველაზე რთული კომპოზიცია, Earth Song შეასრულა, მის მიზეზად კი სიმღერის შინაარსი და მსოფლიოში არსებული ვითარება დასახელა: "სიმღერა ისეთ თემას ეხება, რაც ძალიან აქტუალურია. მსოფლიოში დღეს ისევ ომია. მე საქართველოდან ვარ, ჩემმა ქვეყანამაც არაერთხელ გადაიტანა ომი. ჩემთვის ძალიან მნიშვნელოვანი იყო, რომ ამ სიმღერით მეთქვა ის, რასაც ვგრძნობ" - თქვა ლიზი გოზალიშვილმა.
ლიზი გოზალიშვილი გერმანულ Voice-მდე მის ქართულ ანალოგშიც იღებდა მონაწილეობას, მსმენელს თავი კი განსაკუთრებული სისადავითა და გამორჩეული ხმის ტემბრით დაამახსოვრა.
"სცენაზე გასვლამდე ალბათ ყველაფერს წარმოვიდგენდი, მაგრამ ატირებულ მწვრთნელს და სპონტანურ დუეტს - ნამდვილად ვერ.ესეც ჩემი გამოსვლა გერმანული ვოისის ბრმა ქასთინგზე", - წერს ის სოციალურ ქსელში.