"იყო ახალგაზრდა დედა, თან სწავლობდე სამედიცინოზე, თან ასწრებდე ყველაფერს... ლიზა არის არაჩვეულებრივი…" - რას ამბობს ირაკლი მაქაცარია მეუღლის, ლიზა ჩიჩუას შესახებ - Marao
"იყო ახალგაზრდა დედა, თან სწავლობდე სამედიცინოზე, თან ასწრებდე ყველაფერს... ლიზა არის არაჩვეულებრივი…" - რას ამბობს ირაკლი მაქაცარია მეუღლის, ლიზა ჩიჩუას შესახებ
ტელეწამყვანი და ბიზნესმენი ირაკლი მაქაცარია უკვე არაერთი წელია, რაც აქტიურად ჩანს ტელეეკრანებზე. ის სხვადასხვა პროექტის მონაწილის, ჟიურისა და წამყვანის ამპლუაში არაერთხელ მოგვევლინა და საზოგადოებას თავი მალევე შეაყვარა. რამდენიმე წლის წინ ცნობილი გახდა, რომ ირაკლი შეყვარებული იყო, მისი რჩეული კი ცნობილი ექიმების, ქეთი ასათიანისა და გიორგი ჩიჩუას ქალიშვილი ლიზა ჩიჩუაა.
ირაკლი მაქაცარიამ ლიზა ჩიჩუას შესახებ „დღის პოსტსში" ისაუბრა და აღნიშნა, რომ ის დედობასა და სწავლას ერთმანეთს შესანიშნავად უთავსებს:
"როგორი მამა ვარ, ჩემს თავზე ვერ ვისაუბრებ, ძალიან რთულია სიტყვებით აღვწერო ეს გრძნობა. სამყარო სულ სხვა ფერებით დავინახე. რაც შეეხება ლიზას, ძალიან ყოჩაღია. იყო ახალგაზრდა დედა, თან სწავლობდე სამედიცინოზე, თან ასწრებდე ყველაფერს, ყურადღებას ყველას მიმართ, ლიზა არის არაჩვეულებრივი…" - ამბობს ირაკლი მაქაცარია.
ლიზას ირაკლიმ ხელი მეგობრებისა და ოჯახის წევრების თანხლებით, სპეციალურად მოწყობილ გარემოში 2022 წლის აპრილში სთხოვა. უმშვენიერესი ლიზა, რასაკვირველია, თხოვნას დათანხმდა და წყვილის ქორწილი იმავე წლის ივლისში გაიმართა. მათ ჯვარი სამების საკათედრო ტაძარში დაიწერეს. წყვილს 2-2 მეჯვარე ჰყავდა, საკურთხევლამდე კი ლიზა მამამ მიაცილა. ქორწილს ლიზას და ირაკლის ოჯახი და მეგობრები ესწრებოდნენ. მათ შორის უამრავი ცნობილი წყვილი და ტელესახე იყო, რომლებმაც ცნობილი დიზაინერების სამოსი მოირგეს.
2023 წლის 2 ივნისს ლიზა და ირაკლი პირველი შვილის, გიორგი მაქაცარიას მშობლები გახდნენ. მშობლები ახალშობილის საჯაროდ გამოჩენას ერიდებიან, თუმცა მის ფოტოებს დაფარული სახით მაინც აქვეყნებენ და მეგობრებისგან დიდ სიყვარულს იმსახურებენ.