ამბავი, რომელსაც დიდი მითქმა-მოთქვა მოჰყვა - 70-წლიანი სიყვარულის შემდეგ ჰოლანდიის ექსპრემიერმა 93 წლის ასაკში ცოლთან ერთად ევთანაზიას მიმართა - Marao

დრის ვან აგატი ჰოლანდიის ყოფილი ორემიერ-მინისტრია. მან და მისმა მეუღლემ, ეუგენიამ, 93 წლის ასაკში ევთანაზიის ჩატარების გადაწყვეტილება მიიღეს და 70-წლიანი სიყვარულის ისტორიის დასრულება სწორედ ასე გადაწყვიტეს. 

"ის გარდაიცვალა ხელიხელჩაკიდებული თავის საყვარელ მეუღლესთან, ეუგენია ვან აგტ-კრეკელბერგთან ერთად. ეუგენია მისთვის დიდი იმედი და მოტივაცია იყო. აგატი მეუღლეს სიცოცხლის ბოლომდე "ჩემს გოგოდ" მოიხსენიებდა" - ნათქვამია განცხადებაში. 

93 წლის წყვილს ევთანაზიის გადაწყვეტილებამდე ჯანმრთელობის არაერთი პრობლემა ჰქონდა. მათი მდგომარეობა მხოლოდ უარესდებოდა. 2019 წელს, როცა ყოფილი პრემიერ-მინისტრი პალესტინელების ხსოვნის ღონისძიებაზე სიტყვით გამოდიოდა, ის შეუძლოდ გახდა. მოგვიანებით დადგინდა, რომ მას ტვინში სისხლი ჩაექცა და მან ბოლომდე გამოჯანმრთელება ვეღარ შეძლო. ვან აგტი და მისი ცოლი ძალიან ავად იყვნენ, მაგრამ „არ შეეძლოთ ერთმანეთის გარეშე ცხოვრება“, - ვკითხულობთ განცხადებაში. 

ვან აგტი თავისი ხანგრძლივი კარიერის განმავლობაში მუშაობდა რამდენიმე პოლიტიკურ თანამდებობაზე, განსაკუთრებულია ნიდერლანდების პრემიერ-მინისტრის პოზიცია  1977 წლიდან 1982 წლამდე.

ჟან-ლუკ გოდარმა სიცოცხლე ევთანაზიით დაასრულა 

• დუო ევთანაზია 

დუო ევთანაზია, ანუ ორი ადამიანი, რომლებიც ერთდროულად იღებენ ფატალურ ინიექციას, ჯერ კიდევ შედარებით იშვიათია ნიდერლანდებში, მაგრამ ნელ-ნელა უფრო მეტ პოპულარობას იძენს, - იტყობინება გამოცემა New York Post-ი. 

2021 წელს "დოუ ევთანაზია" 13-მა წყვილმა, ხოლო 2022 წელს 29 წყვილმა ჩაიტარა. 

• რა არის ევთანაზია?

ევთანაზია არის პაციენტის სიცოცხლის დასრულების პრაქტიკა, რათა დასრულდეს პაციენტის ტანჯვა. მოცემული პაციენტი, როგორც წესი, ტერმინალურად დაავადებული იქნება ან განიცდის დიდ ტკივილსა და ტანჯვას. თავად სიტყვა "ევთანაზია" მომდინარეობს ბერძნული სიტყვებიდან "eu" (კარგი) და "თანატოს" (სიკვდილი). იდეა მდგომარეობს იმაში, რომ იმის ნაცვლად, რომ ნელი, მტკივნეული ან არაკეთილსინდისიერი სიკვდილით გარდაიცვალოს ადამიანი, ევთანაზია საშუალებას მისცემს პაციენტს, განიცადოს შედარებით "კარგი სიკვდილი".

24 მაისს ალენ დელონი რომი შნაიდერისადმი მიძღვნილ სასიყვარულო წერილს საჯაროდ წაიკითხავს 

• ევთანაზიის სახეები

აქტიური ევთანაზია: პაციენტის გარდაცვალება აქტიური საშუალებებით, მაგალითად, პაციენტისთვის წამლის ლეტალური დოზის შეყვანა. ზოგჯერ მას "აგრესიულ" ევთანაზიას უწოდებენ. პასიური ევთანაზია: პაციენტისთვის სასიცოცხლო რესურსების შეზღუდვა, მაგალითად, საკვები ან სასუნთქი მილის. ნებაყოფლობითი ევთანაზია: პაციენტის თანხმობით. უნებლიე ევთანაზია: პაციენტის თანხმობის გარეშე, მაგალითად, თუ პაციენტი უგონო მდგომარეობაშია და მისი სურვილები უცნობია. ზოგიერთი სპეციალისტი განასხვავებს „უნებლიე“ (პაციენტის სურვილის საწინააღმდეგოდ) და „არანებაყოფლობით“ (პაციენტის თანხმობის გარეშე, მაგრამ სურვილები უცნობია) ფორმებს. დამხმარე: პაციენტი მართავს სიკვდილის საშუალებებს, მაგრამ სხვა ადამიანის, მაგალითად, ექიმის დახმარებით.ზემოაღნიშნული ტიპების მრავალი შესაძლო კომბინაცია არსებობს და ევთანაზიის მრავალი სახეობა მორალურად საკამათოა. ევთანაზიის ზოგიერთი სახეობა, როგორებიცაა, ნებაყოფლობითი დახმარება, ლეგალურია ზოგიერთ ქვეყანაში.