აბსოლუტური წარმატება, ყურადღება და სიყვარული - ასე დაიწყო ჰეზერ ლოკლირის ისტორია და შემდეგ სულ სხვაგვარად განვითარდა. დღეს ჰეზერს ბევრი პრობლემა აქვს – კანონთან, საყვარელ ადამიანებთან და საკუთარ თავთან.
ჰეზერი საზღვაო ძალების ოფიცრის ოჯახში დაიბადა. მშობლები საკმაოდ მკაცრად ზრდიდნენ. ბავშვობაში მსახიობობაზე არც კი უოცნებია და უნდოდა პილოტი გამხდარიყო.
![](/media/uploads/2024/02-19/40-hot-photos-of-a-young-and-beautiful-heather-locklear-in-the-1980s-1708346932.jpeg)
პოპულარობა
წარმატება მაშინ მოვიდა, როდესაც რეჟისორმა აარონ სპელინგმა მიიწვია სერიალ „დინასტიის“ გადასაღებად - 1981 წელს მილიონობით მაყურებელი მთელ მსოფლიოში სუნთქვაშეკრული უყურებდა ქერინგტონის ოჯახში განვითარებულ მოვლენებს. სერიალში ჰეზერი ერთ-ერთი მთავარი პერსონაჟის დისშვილის, ფულისა და ფუფუნების მოყვარული სემი ჯოს როლს ასრულებდა.
![](/media/uploads/2024/02-19/denver-carrington-1708346999.jpeg)
პირადი
თუმცა, კარიერაზე მეტად, საზოგადოების ყურადღებას ყოველთვის მისი პირადი ცხოვრება იმსახურებდა. ტომ კრუზთან რომანი ტომ ბაიომ შეცვალა, ბოლოს კი მის ცხოვრებაში მარკ ჰარმონი გამოჩნდა - მარკის მამა კატეგორიული წინააღმდეგი იყო მათი ურთიერთობის და თვლიდა, რომ ქორწინება შვილის კარიერას გაანადგურებდა. ამიტომ წყვილი დაშორდა.
ამის შემდეგ ტომი ლის შეხვდა - ქორწინების 7 წლის განმავლობაში ჰეზერი გახდა ალკოჰოლზე დამოკიდებული და გაიგო, როგორი იყო საყვარელი ადამიანის ღალატი. ასეთი ურთიერთობა მარცხისთვის იყო განწირული.
![](/media/uploads/2024/02-19/12-celebrity-couples-you-probably-forgot-were-once-married-1708347076.jpeg)
ჰეზერის ახალი საქმრო რიჩი სამბორი, ჯგუფ Bon Jovi-ს გიტარისტი გახდა. სრულიად საპირისპირო აღმოჩნდა - ყურადღებიანი, მგრძნობიარე. მაგრამ თავად ჰეზერი ისეთი აღარ იყო... წინა ურთიერთობამ მუდმივ წვეულებებთან, ალკოჰოლთან და ნარკოტიკებთან ძალიან დიდი კვალი დატოვა მასზე. რიჩი ამის ატანას არ აპირებდა და განქორწინება მოითხოვა.
მსახიობის ცხოვრება უარესობისკენ წავიდა - პოლიციის განყოფილებაში უფრო ხშირად ნახავდით, ვიდრე წითელ ხალიჩაზე. ფსიქიატრიულ კლინიკაშიც აღმოჩნდა, თუმცა ბოლოს მაინც ძველ ჩვევებს დაუბრუნდა.
![](/media/uploads/2024/02-19/heather-locklear-2023-1708347124.jpeg)
დღეს მსახიობი თითქმის აღარ ჩნდება საზოგადოებაში, არ თანხმდება ინტერვიუებს და როგორც ჩანს, რეჟისორები მასთან თანამშრომლობაზე უარს ამბობენ.