"მყავს ექვსი შვილი, შვილიშვილიც შემოგვემატა, ვერ ვუძლებ ამ ხმაურს და გავერიდე ოჯახს... როგორ შეიძლება გაშორდე ექვსი შვილის დედას?!" - პეტრე კოლხი - Marao

ნინო ვე­კუ­ას მე­უღ­ლე სა­ზო­გა­დო­ე­ბის ინ­ტე­რე­სის სფე­რო­ში დიდი ხა­ნია მო­ექ­ცა - ის მო­ძღვა­რია და სა­კუ­თა­რი აზ­რი­სა და პო­ზი­ცი­ის თა­მა­მად გა­მო­ხატ­ვის გამო ზოგ­ჯერ სკან­და­ლუ­რა­დაც მო­იხ­სე­ნი­ე­ბენ. დე­კა­ნო­ზი პეტ­რე კვა­რა­ცხე­ლია, იგი­ვე პეტ­რე კოლ­ხი, სო­ცი­ა­ლურ ქსელ­შიც აქ­ტი­უ­რია, ჰყავს მრევ­ლი, უამ­რა­ვი გულ­შე­მატ­კი­ვა­რი, მკი­თხვე­ლი...

მამა პეტ­რეს და ნინო ვე­კუ­ას 6 შვი­ლი ჰყავთ. ნინო პრო­ფე­სი­ით ფი­ლო­ლო­გია და შვი­ლე­ბის აღ­ზრდის პა­რა­ლე­ლუ­რად, მოს­წავ­ლე­ებ­ზეც ყო­ველ­დღი­უ­რად ზრუ­ნავს. 

პეტრე კოლხის მეუღლე 

"ორი­ვე­ნი სო­ხუ­მის სა­ხელ­მწი­ფო უნი­ვერ­სი­ტეტ­ში ვსწავ­ლობ­დით. ბევ­რი სა­ერ­თო მე­გო­ბა­რი გვყავ­და, მაგ­რამ ერ­თმა­ნეთს არა­ვინ გვაც­ნობ­და. ხში­რად მხვდე­ბო­და ჩემს აუ­დი­ტო­რი­ას­თან, მაგ­რამ ყუ­რა­დღე­ბას არ ვაქ­ცევ­დი. ერთხე­ლაც შემ­თხვე­ვით შევ­ხვდით ქუ­ჩა­ში: „მე თქვენ გიც­ნობთ - მი­თხრა. მეც შო­რი­დან გიც­ნობთ-მეთ­ქი. არა, მე ახ­ლო­დან გიც­ნობთ, სამ­ყა­როს და­სა­ბა­მი­სას გა­გი­ცა­ნი და მას მერე გე­ძე­ბო. - დარ­წმუ­ნე­ბუ­ლი ხართ, რომ მე მე­ძებთ-მეთ­ქი? - გა­მე­ცი­ნა. დარ­წმუ­ნე­ბუ­ლი ვარ, სწო­რედ შენ გე­ძებ­დი და გი­პო­ვეო... მე კი სუ­ლაც არ ვარ დარ­წმუ­ნე­ბუ­ლი, რომ შენ გე­ლო­დე­ბო­დი-მეთ­ქი, მისი პა­სუ­ხი კი ასე­თი იყო: "ჩვენ ღმერ­თმა ერ­თმა­ნე­თის­თვის გაგ­ვა­ჩი­ნა და ამა­ში ჩემი სიყ­ვა­რუ­ლი და­გარ­წმუ­ნებ­სო". რომ გა­ვი­ცა­ნი, ეკ­ლე­სი­უ­რად ცხოვ­რობ­და, მარ­ხვას იცავ­და, წირ­ვა-ლოც­ვას არ აც­დენ­და. ყო­ველ­თვის ძა­ლი­ან უყ­ვარ­და ხე­ტი­ა­ლი - ეკ­ლე­სია-მო­ნას­ტრე­ბის მო­ლოც­ვა. როცა მღვდლო­ბა გა­და­წყვი­ტა, მე ხელი არ შე­მიშ­ლია, თუმ­ცა, ვთხო­ვე, რომ არ ეჩ­ქა­რა გა­და­წყვე­ტი­ლე­ბის მი­ღე­ბა და ამ­ხე­ლა პა­სუ­ხის­მგებ­ლო­ბის აღე­ბა", - იხსენებდა ნინო ვეკუა მეუღლის შესახებ. 

მამა პეტრეს ემოციური სიტყვები ცოლისადმი 

პეტრე კოლხი ბოლო დროს განსაკუთრებით ხშირად ექცევა ყურადღების ცენტრში. 13 თე­ბერ­ვალს სა­ქარ­თვე­ლოს სა­პატ­რი­არ­ქო­ში სი­ნო­და­ლურ სხდო­მა­ზე ერთ-ერთ სა­კი­თხად მამა პეტ­რე კვა­რა­ცხე­ლი­ას საქ­მე გა­ნი­ხი­ლეს. კო­მი­სი­ამ შუ­ამ­დგომ­ლო­ბით მი­მარ­თა სრუ­ლი­ად სა­ქარ­თვე­ლოს კა­თო­ლი­კოს პატ­რი­არ­ქს, უწ­მინ­დეს­სა და უნე­ტა­რეს ილია II-ს, დე­კა­ნოზ პეტ­რე კვა­რა­ცხე­ლი­ას­თვის კო­მი­სი­ის მო­მა­ვალ სხდო­მამ­დე ყო­ველ­გვა­რი მღვდელ­მოქ­მე­დე­ბის შე­ჩე­რე­ბის შე­სა­ხებ. ამ­ჟა­მად სა­სუ­ლი­ე­რო პირი დიდ ბრი­ტა­ნეთ­ში იმ­ყო­ფე­ბა. მისი თქმით, აღ­ნიშ­ნუ­ლი გა­და­წყვე­ტი­ლე­ბა მისი სხვა­დას­ხვა თე­მა­ზე გა­კე­თე­ბულ გან­ცხა­დე­ბებს მოჰყ­ვა.

პეტრე კოლხის ოჯახი 

ამჯერად პეტრე კოლხი  გადაცემას „პირველი სტუდია“ სტუმრობს, სადაც საკუთარი თავის, ოჯახისა და ცხოვრების წესის შესახებ ისაუბრა: 

"მყავს ექვსი შვილი. ჩემი მეუღლე არის გმირი. მე ვერ ვუძლებ ამ ბავშვებს, თამამად შემიძლია ვთქვა. ცუდი მამა არ ვარ, მაგრამ ეს გნიასი, ყიჟინა და ზედმეტი ხმაური კიდევ უფრო მეტად მაგიჟებს. თან შვილიშვილიც ხომ შემოგვემატა, ამიტომ გავერიდე ოჯახს, შეიძლება ითქვას. ეს ჩემი სისუსტეა და ვაღიარებ. ჩემი ცხოვრებიდან გამომდინარე, ფსიქიკა ისედაც დაღლილი მაქვს და ეს ზედმეტი ხმაური კიდევ უფრო მაგიჟებს... 

რა სისულელეა! როგორ შეიძლება გაშორდე ექვსი შვილის დედას! ხშირად ჩამოვდივარ და სულ ერთად ვართ. მაგრამ იმდენად მივეჩვიე მარტო ყოფნას.. იმდენად დაიღალა ჩემი მეუღლე, რომ მე და მარიამი ვიტყვით ხანდახან, რომ გავუშვათ დედა დასასვენებლად.

"მოვეშვათ სხვის უბეში ხელის ფათურს... ნუ მოსთხოვთ, სასულიერო პირის შვილი ჩადრით დადიოდეს" - პეტრე კოლხი 

ვიღაცამ შეიძლება ამის გამო გამკიცხოს, მაგრამ ვაღიარებ და ყველგან ვამბობ, რომ ძალიან მიყვარს ყიდვა. შეიძლება ჯიბეში ორი კაპიკი მქონდეს, მაგრამ ისიც უნდა დავხარჯო და რაღაც ვიყიდო, შეიძლება არც ჩავიცვა, მაგრამ ამით ვიკლავ იმ მოთხოვნილებებს, სხვა მიმართულებით რომ არ წავიდეს ფიქრი და აზროვნება.

პატარ-პატარა წვრილმანები, რაც ბედნიერებას განიჭებს და რაც მართლმადიდებლობასთან წინააღმდეგობაში არ მოდის, რატომაც არა, იყოს, ვის უშლის. ამაზე ჭორაობა უფრო დიდი გოიმობა მგონია, ვიდრე ის, რომ წახვიდე და რაღაც შეიძინო", - თქვა მან.